Litsebiso
◼ September: Tsebo e Isang Bophelong bo sa Feleng. October: Molula-Qhooa le Tsoha! Moo ho bontšoang thahasello, tsamaisa bukana ea Seo a se Hlokang, u etse boiteko bo khethehileng ba ho qalisa lithuto tsa Bibele. November: Ithute ho Mosuoe e Moholo kapa Ke Eng Seo Molimo a se Hlokang ho Rōna? December: Motho e Moholo ka ho Fetisisa ea Kileng a Phela.
◼ Sebokeng sa Tšebeletso ka January 2005, ho tla buisanoa ka video ea No Blood—Medicine Meets the Challenge. K’hasete ea video ea No Blood e fumaneha ka Senyesemane le Sepotoketsi. Haeba lik’hasete tsa video li hlokahala li ka odaroa ka phutheho kapele kamoo ho ka khonehang.
◼ Foromo ea Selemo le Selemo ea Tlhahlobo ea Litokomane Tsa Setša sa Phutheho (T-33) e lokela ho tlatsoa selemo se seng le se seng ka September ke mongoli oa phutheho eo Holo ea ’Muso e ngolisitsoeng ka lebitso la eona. Phutheho ka ’ngoe eo holo e kopanetsoeng le eona e lokela hore e nehoe kopi ea foromo e tlatsitsoeng hang-hang. Haeba ho hlokahala hore ho nkoe bohato ba ho lokisa, baholo ba lokela ho nka bohato e le hore ba ka sireletsa thepa ea phutheho. Ha molebeli oa potoloho a etela phutheho, o tla hlahloba litokomane tsa setša sa phutheho le Foromo ea Tlhahlobo ea Tšireletseho (T-34).
◼ Baholo ba hopotsoa hore ba latele litaelo tse leqepheng la 21-3 la Molula-Qhooa oa April 15, 1991, mabapi le ba khaotsoeng kapa ba ikarotseng ba lokelang ho eteloa.
◼ Ka Moqebelo oa la 9 October, 2004, lehae la Bethele le Setsi sa Khatiso li tla be li koetsoe bakeng sa ho hloekisoa. Ho ke ke ha e-ba le tokisetso ea hore liphutheho li late lingoliloeng tsa tsona letsatsing leo.
◼ Liphutheho li lokela ho qala ho odara Almanaka ea Lipaki Tsa Jehova ea 2005, Ho Hlahlobisisa Mangolo Kamehla—2005, le Buka ea Selemo ea Lipaki Tsa Jehova ea 2005 ha li odara libuka ka September. Almanaka ea 2005 e ka odaroa ka Seafrikanse, Sechichewa, Secibemba, Sefora, Segerike, Sejeremane, Senyesemane, Sepotoketsi, Seshona, Sesotho, Setaliana, Setumbuka, Sexhosa le Sezulu. Buka ea Selemo ea 2005 e ka odaroa ka Sechaena, Sefora, Segerike, Sejapane, Sejeremane, Senyesemane, Sepanishe, Sepotoketsi, Seshona, Sesotho, Setaliana, Setsonga, Sexhosa le Sezulu. Ho Hlahlobisisa Mangolo Kamehla—2005 e ka odaroa ka Seafrikanse, Sechaena, Sechichewa, Sefora, Segerike, Sejapane, Sejeremane, Sekwanyama, Senyesemane, Sepedi, Sepolishe, Sepotoketsi, Seshona, Sesotho, Setaliana, Setsonga, Setswana, Setumbuka, Sevenda, Sexhosa le Sezulu. Ho fihlela lingoliloeng tsena li e-ba teng ’me li romeloa, li tla hlaha karolong ea “Pending” lethathamong la lingoliloeng tsa phutheho tse romeloang. Tsena ke lingoliloeng tse etsetsoang kōpo e khethehileng, e leng se bolelang hore phutheho e lokela ho li odarela bahoeletsi ba ikōpetseng tsona feela. (Bona Tataiso ea Watch Tower ea Kōpo ea Libuka, Karolo ea 3.)
◼ Ka kōpo tsebang hore ho ke ke ha e-ba le Sekolo sa Tšebeletso sa Bopula-maliboho selemong sena ka lebaka la Sekolo sa Balebeli ba Tsamaeang se tšoaretsoeng Bethele.