Litsebiso
◼ February: Atamela ho Jehova. March: Ithute ho Mosuoe e Moholo. April le May: Makasine ea Molula-Qhooa le ea Tsoha!
◼ Molebeli ea okamelang o lokela ho hlahloba liak’haonte tsa phutheho ka la 1 March kapa kapele ka mor’a moo kapa li hlahlojoe ke e mong eo a mo khethileng. Haeba ho e-na le ak’haonte e ’ngoe ea banka, mohlomong ea tokiso kapa ea kaho, ho lokela ho etsoe litokisetso tsa hore le eona e hlahlojoe. Ha li se li hlahlobiloe, phutheho e lokela ho tsebisoa tlalehong e latelang ea liak’haonte.
◼ Mongoli le molebeli oa tšebeletso ba lokela ho hlahloba mosebetsi oa bo-pula-maliboho bohle ba kamehla. Haeba ba bang ba thatafalloa ke ho finyella lihora tse hlokahalang, baholo ba lokela ho lokisetsa hore ba thusoe. Hlahlobang mangolo a selemo le selemo a S-201 bakeng sa litlhahiso.
◼ Puo ea phatlalatsa e khethehileng nakong ea Sehopotso ka 2005 e tla ba le sehlooho se reng “Ke Hobane’ng ha Jesu a Ile a Utloa Bohloko a ba a Shoa?” Bona tsebiso e amanang le ena Tšebeletsong ea Rōna ea ’Muso ea October 2004.
◼ Bohle ba lokela ho ba teng Sebokeng sa Phatlalatsa ka Sontaha sa la 20 March, hore ba utloe tsebiso e khethehileng e mabapi le tokisetso e tla etsetsoa bahoeletsi.
◼ Ofisi ea lekala ha e sebetsane le liodara tsa lingoliloeng tse etsoang ke bahoeletsi ka bomong. Molebeli ea okamelang o lokela ho lokisetsa hore ho etsoe tsebiso khoeli ka ’ngoe pele odara ea phutheho ea khoeli le khoeli ea lingoliloeng e romeloa ofising ea lekala e le hore bohle ba thahasellang ho iphumanela lingoliloeng ba ka bolella mor’abo rōna ea sebetsanang le lingoliloeng. Re kōpa le hopole hore na ke lingoliloeng life tse etsetsoang kōpo e khethehileng.
◼ Lingoliloeng Tse Ncha Tse Fumanehang:
Pay Attention to Daniel’s Prophecy! (E Mongolo o Moholo)—Senyesemane, Sepotoketsi le Sechaena se Nolofalitsoeng (Pinyin)
New World Translation of the Holy Scriptures (e khōlō)—Sechaena se Nolofalitsoeng (Pinyin)
◼ Lik’hasete tse ncha tsa Video tse fumanehang:
Sing Praises to Jehovah—On Videocassette, Volume 3—Puo ea Matsoho ea Amerika
◼ Li-DVD tse ncha tse fumanehang: Sing Praises to Jehovah—On DVD, Volume 3—Puo ea Matsoho ea Amerika