Kemiso ea Liboka Tsa Tšebeletso
Beke e Qalang ka la 14 March
10 mets: Litsebiso tsa phutheho. Litsebiso tse khethiloeng Tšebeletsong ea Rōna ea ’Muso. Lokisetsa hore ho be le pontšo ea kamoo ho ka tsamaisoang Molula-Qhooa oa March 15 le Tsoha! ea April 8 ho sebelisoa litlhahiso tse leqepheng la 4 (haeba li loketse tšimong ea lōna). Ho ka sebelisoa linehelano tse ling tse loketseng. Pontšo e ’ngoe e be ea leeto la ho boela tselaneng ea limakasine. Ha u phetha nehelano, sebelisa leqephe le ka morao la Molula-Qhooa oa March 15 ho hopotsa mong’a ntlo ka Sehopotso se atamelang.
15 mets: “Ho Lebisa Khatiso e Eketsehileng Bibeleng”!a
20 mets: “Phutuho e Khethehileng ea ho Aba Bukana e Ncha.”b E fanoe ke molebeli oa tšebeletso. Lokisetsa hore ho be le lipontšo tsa linehelano tse fanoeng e le litlhahiso. Pontšong e ’ngoe, mong’a ntlo ha a thahaselle nehelano ea Mangolo hakaalo ’me o fuoa pampitšana eseng bukana. Ho fanoe ka boitsebiso bo eketsehileng mabapi le phutuho e khethehileng lengolong leo ofisi ea lekala e le ngoletseng baholo.
Pina ea 137 le thapelo e koalang.
Beke e Qalang ka la 21 March
10 mets: Litsebiso tsa phutheho.
15 mets: “Ho Khanna Lithuto Tsa Bibele Tse Tsoelang Pele—Karolo ea 7.”c Ha u lokisetsa puo ena, hlahloba Molula-Qhooa oa July 15, 2002, leqepheng la 27, serapeng sa 4-5.
20 mets: Armagedone ke Eng? Ka mor’a kenyelletso e ka tlaase ho motsotso, tšoara puisano ea lipotso le likarabo e thehiloeng bukeng ea Ho Bea Mabaka leqepheng la 120-5. Kōpa bamameli ho araba lipotso tse ngotsoeng ka mongolo o motenya, ba sebelisa mangolo a qotsitsoeng le a sa qotsoang. Tšohla kamoo re ka sebelisang boitsebiso bona kateng tšebeletsong ea tšimo.
Pina ea 109 le thapelo e koalang.
Beke e Qalang ka la 28 March
10 mets: Litsebiso tsa phutheho. Bala tlaleho ea liak’haonte le mangolo a bontšang hore menehelo e amohetsoe. Khothalletsa bohle ho mema ba thahasellang ho ba teng puong ea phatlalatsa e khethehileng ka la 10 April. Bolela lingoliloeng tse tsamaisoang ka April le May.
20 mets: Buella Molula-Qhooa le Tsoha! Tšohla lintlha tse thahasellisang litokollong tsa morao-rao tsa limakasine tsena. Lokisetsa hore ho be le pontšo ea kamoo ho ka tsamaisoang Molula-Qhooa oa April 1 le Tsoha! ea April 8 ho sebelisoa litlhahiso tse leqepheng la 4 (haeba li loketse tšimong ea lōna). Ho ka sebelisoa linehelano tse ling tse loketseng. Pontšong ka ’ngoe ho hlalosoe kamoo mosebetsi oa rōna oa lefatše lohle o tšehetsoang ka lichelete.—Bona Molula-Qhooa, leq. 2, kapa Tsoha! leq. 5.
15 mets: Litlhoko tsa phutheho.
Pina ea 116 le thapelo e koalang.
Beke e Qalang ka la 4 April
10 mets: Litsebiso tsa phutheho. Litaba Tsa Puso ea Molimo.
15 mets: E-bang le Lerato Har’a Lōna. (Joh. 13:35) Puo ka moholo e thehiloeng Molula-Qhooeng oa February 1, 2003, leqepheng la 15-18, serapeng sa 10-21. Re khothalletsoa ho leka ho qalisa lithuto tsa Bibele le ba seng ba ithutile buka ea Tsebo le bukana ea Seo a se Hlokang. Totobatsa kamoo bahoeletsi ba ka sebelisanang le baholo ho thuseng ba fokolang.
20 mets: Tokisetso ea ho re Matlafatsa. Ka mor’a kenyelletso e ka tlaase ho motsotso, tšoara puisano le bamameli e thehiloeng Bukeng ea Selemo ea 2005. Ho nahanisisa ka mosebetsi oa Jehova o hlollang mehleng ea kajeno ho re atametsa ho eena le ho barab’abo rōna lefatšeng ka bophara. (Pes. 77:12-14) Ho re matlafaletsa ho ema khahlanong le Diabolose, re “tiile tumelong.” (1 Pet. 5:8, 9) Ho thusa ba bacha ho ananela mokhatlo o hlophisitsoeng oa Jehova. Kōpa bamameli hore ba bolele lintlha tseo ba li thabetseng ha ba bala Buka ea Selemo ea 2005. Lokisetsa esale pele hore a le mong kapa ba babeli ba hlalose kamoo ba iketsetsang kemiso ea ho bala Buka ea Selemo.
Pina ea 36 le thapelo e koalang.
[Mongolo o botlaaseng ba leqephe]
a Etsa hore kenyelletso e be ka tlaase ho motsotso ebe ho latela puisano ea lipotso le likarabo.
b Etsa hore kenyelletso e be ka tlaase ho motsotso ebe ho latela puisano ea lipotso le likarabo.
c Etsa hore kenyelletso e be ka tlaase ho motsotso ebe ho latela puisano ea lipotso le likarabo.