Litaba Tsa Puso ea Molimo

◼ Ha selemo sa tšebeletso sa 2006 se ea ho feleng, ho ile ha neheloa Liholo Tsa ’Muso tse ncha tse ’maloa ho pholletsa le tšimo ea rōna. Bekeng ea ho qetela ea August ho ile ha neheloa Liholo Tsa ’Muso tse supileng, ’me sena se bolela hore ka kakaretso ho phethiloe Liholo Tsa ’Muso tse 35 selemong seo sa tšebeletso.

Liphutheho tse latelang tse leshome li thabela ho kopanela Liholong tsa tsona Tsa ’Muso tse ncha: Dassenhoek, Kwa-Mashu North, Kwa-Mashu South le Volksrust, tse KwaZulu-Natal; Kwangwanase, e Kosi Bay; Madadeni East, e Newcastle; Diepsloot North le Kwa-Thema North, tse Gauteng; Kgomotso haufi le Warrenton le Mqhekezweni haufi le Umtata. Re thaba hammoho le liphutheho tsena tse rapelang Jehova sebakeng se tšoanelang lebitso la hae. Ba bangata ba ile ba boela ba leboha thuso e babatsehang eo ba e filoeng ke Likomiti Tsa Kaho Tsa Libaka le baithaopi ba tsona ba ba thusitseng mosebetsing oa bona oa kaho.

Mang kapa mang ea ratang ho sebetsa le Komiti ea Kaho ea Libaka ea sebakeng sa habo a ka tlatsa foromo ea Kingdom Hall Volunteer Worker Questionnaire (S-82). Liforomo tsena li fumaneha ho mongoli oa phutheho ’me li ka odaroa ka Literature Request Form (S-14) ea khoeli le khoeli.