Kemiso ea Liboka Tsa Tšebeletso

Beke e Qalang ka la 13 August 

Pina ea 20

15 mets: Litsebiso tsa phutheho. U sebelisa litlhahiso tse leqepheng la 8 kapa linehelano tse ling tse loketseng tšimo ea lōna, bontša kamoo u ka nehelanang ka Molula-Qhooa oa August 15 le Tsoha! ea August. Pontšong e ’ngoe, e re mohoeletsi a sebelise e ’ngoe ea litlhahiso tse serapeng sa 3 leqepheng la 3 tokollong ena ea Tšebeletso ea Rōna ea ’Muso ho botsa potso eo a tla e araba leetong la ho boela. Bua ka “Lenaneo le Lecha la Kopano ea Potoloho.” Bolela matsatsi a kopano e latelang ea potoloho haeba a se a behiloe.

15 mets: Kamoo U ka Ruang Molemo ka ho Ipeha Tlas’a Puso ea Molimo. Puisano le bamameli e thehiloeng khaolong ea 15 ea Ho Hlophisetsoa ho Etsa Thato ea Jehova.

15 mets: “Ho Rapela Jehova le le Lelapa.”a Kōpa bamameli hore ba hlalose melemo eo ba e fumanang ha ba sebetsa tšimo hammoho e le lelapa. Ho ka kōptjoa bahoeletsi ba babeli esale pele hore ba tle ba fane ka litlhaloso.

Pina ea 48 le thapelo e koalang.

Beke e Qalang ka la 20 August

Pina ea 100

10 mets: Litsebiso tsa phutheho. Bua ka “Lenaneo le Lecha la Kopano e Khethehileng ea Letsatsi le le Leng,” ebe u bolela letsatsi la Kopano e Khethehileng ea Letsatsi le le Leng haeba le se le behiloe. Bua ka tsoelo-pele e seng e entsoe tšimong e sa abuoang. Tsebisa phutheho ka litokisetso tsa khoeli ea September. Buisana le a le mong kapa ba babeli ba seng ba tsoa teng.

15 mets: Qalisa Thuto ea Bibele Ketelong ea Pele ka September. Puisano le bamameli. Ka khoeli ea September re tla tsamaisa buka ea Seo Bibele e se Rutang re be re leke ho qoqa ka lirapa tse seng kae le beng ba matlo ketelong ea pele. Hlahloba litlhahiso tse Tšebeletsong ea Rōna ea ’Muso ea March 2006, ebe ho ba le pontšo e le ’ngoe kapa tse peli tse bontšang kamoo ho ka qalisoang thuto ea Bibele kateng ketelong ea pele.

20 mets: “Kamoo Tokisetso ea Thuto ea Buka ea Phutheho e re Thusang Kateng.”b Ha u tšohla serapa sa 5, akarelletsa litlhaloso tse tsoang bukeng ea Ho Hlophisetsoa, leqepheng la 41, serapeng sa 3.

Pina ea 6 le thapelo e koalang.

Beke e Qalang ka la 27 August

Pina ea 98

10 mets: Litsebiso tsa phutheho. Bala tlaleho ea liak’haonte le melaetsa e bontšang hore menehelo e amohetsoe. U sebelisa litlhahiso tse leqepheng la 8 kapa linehelano tse ling tse loketseng tšimo ea lōna, lokisetsa hore ho be le pontšo ea kamoo Molula-Qhooa oa September 1 le Tsoha! ea September li ka tsamaisoang kateng. Hopotsa bahoeletsi hore ba lokisetse ho fana ka litlaleho tsa bona tsa tšebeletso ea tšimo tsa August. Re rata ho finyella tlhōrō e ’ngoe e ncha ea bahoeletsi ka August. Balebeli bohle ba thuto ea buka ba lokela ho ikopanya le bohle ba lihlopheng tsa bona e le hore litlaleho tsohle li be li bokeletsoe ka la 6 September. Hape ba lokela ho etsa bonnete ba hore ba fa mongoli litlaleho tsohle tse saletseng morao tsa selemo sena sa tšebeletso. Ho ka thusa haeba mongoli a ka ngola esale pele lethathamo la litlaleho tsohle tse saletseng morao ’me a le fe molebeli e mong le e mong oa thuto ea buka.

10 mets: Litlhoko tsa Phutheho.

25 mets: “Pakane e Ntle Bakeng sa Selemo se Secha sa Tšebeletso.”c Buisana le a le mong kapa ba babeli bao e neng e le bo-pula-maliboho ba thusang haufinyane. Ba ile ba fetola kemiso ea bona joang? Ba ile ba rua molemo ofe? Haeba ba le teng, e mong oa bona e ka ba mohoeletsi eo lelapa le ileng la mo thusa le ho mo tšehetsa hore e be pula-maliboho ea thusang. Ha u tšohla serapa sa 9, bolela matsatsi ao molebeli oa potoloho a tla etela phutheho ka ’ona haeba a se a a boletse.

Pina ea 196 le thapelo e koalang.

Beke e Qalang ka la 3 September

Pina ea 50

10 mets: Litsebiso tsa phutheho le Litsebiso tse khethiloeng Tšebeletsong ea Rōna ea ’Muso. Litaba Tsa Puso ea Molimo. Hopotsa bahoeletsi hore ba fane ka litlaleho tsa tšebeletso ea tšimo tsa August.

15 mets: “Re Ananela Litokelo Tsa Rōna!”d Ha nako e lumela, kōpa bamameli hore ba buelle mangolo a bontšitsoeng.

20 mets: “Kamoo re ka Qalang Lithuto Tsa Bibele Moo re Siileng Limakasine.”e Ho ka etsoa pontšo e khutšoanyane ka e ’ngoe ea litlhahiso tse serapeng sa 2. Hopotsa bahoeletsi hore ha ba khannetse mong’a ntlo thuto ea Bibele ka makhetlo a mabeli ka mor’a hore ba mo bontše hore na thuto e khannoa joang, ba ka tlaleha thuto eo haeba ho bonahala eka e tla tsoela pele.

Pina ea 2 le thapelo e koalang.

[Mongolo o botlaaseng ba leqephe]