Kemiso ea Sekolo sa Tšebeletso sa Puso ea Molimo ea 2008

Litaelo

Ka 2008 ho tla sebelisoa litokisetso tse latelang ha ho tsamaisoa Sekolo sa Tšebeletso sa Puso ea Molimo.

MOHLOLI OA BOITSEBISO: Phetolelo ea Lefatše le Lecha ea Mangolo a Halalelang [bi12-SU], Rua Molemo Thutong ea Sekolo sa Tšebeletso sa Puso ea Molimo [be-SU], “Lengolo Lohle le Bululetsoe ke Molimo ’me le Molemo” [si-SU] le Ho Bea Mabaka ka Mangolo (Khatiso ea 1994) [rs-SU].

Sekolo se lokela ho qala KA NAKO ka pina, thapelo le mantsoe a kamohelo ebe se tsoela pele joalokaha ho hlalositsoe ka tlaase mona. Ka mor’a puo ka ’ngoe, molebeli oa sekolo o tla kenyelletsa puo e latelang.

TŠOBOTSI EA PUO: Metsotso e 5. Molebeli oa sekolo, motlatsi oa molebeli oa sekolo kapa moholo e mong ea tšoanelehang o tla tšohla tšobotsi ea puo e thehiloeng bukeng ea Sekolo sa Tšebeletso. (Liphuthehong tse nang le baholo ba seng bakae, ho ka sebelisoa bahlanka ba sebeletsang ba tšoanelehang.)

PUO EA 1: Metsotso e 10. E lokela ho fanoa ke moholo ea tšoanelehang kapa mohlanka ea sebeletsang, ’me e tla thehoa bukeng ea Rua Molemo Thutong ea Sekolo sa Tšebeletso sa Puso ea Molimo, kapa ea “Lengolo Lohle le Bululetsoe ke Molimo ’me le Molemo.” E lokela ho fanoa e le puo ea taeo ea metsotso e leshome. Sepheo e se ke ea e-ba ho akaretsa taba feela empa e be ho totobatsa hore na ke hobane’ng ha taba eo ho buuoang ka eona e le molemo, ho totobatsoe hore na ke sefe se tla tsoela phutheho molemo ka ho fetisisa. Ho lokela ho sebelisoe sehlooho se bontšitsoeng. Ho lebeletsoe hore barab’abo rōna ba abetsoeng puo ena ba be hlokolosi hore ba boloke nako. Haeba ho hlokahala ho ka fanoa ka keletso ka thōko.

LINTLHA-KHŌLŌ TSA ’MALO OA BIBELE: Metsotso e 10. Ka metsotso ea pele e mehlano, moholo ea tšoanelehang kapa mohlanka ea sebeletsang o lokela ho bontša kamoo taba e sebetsang kateng phuthehong. A ka hlalosa karolo leha e le efe ea ’malo oa Bibele oa beke eo. Puo ena ha ea lokela ho ba kakaretso feela ea ’malo oa beke eo. Sepheo sa sebui se ka sehloohong ke ho thusa bamameli ho utloisisa hore na ke hobane’ng ha taba eo e le molemo le hore na e molemo ka tsela efe. Sebui se lokela ho ba hlokolosi hore se se ke sa feta metsotso e mehlano e abetsoeng karolo e qalang. Se lokela ho tiisa hore se siea metsotso e mehlano bakeng sa hore bamameli ba kopanele. Bamameli ba lokela ho kōptjoa ho fana ka litlhaloso tse khutšoanyane (tsa metsotsoana e 30 kapa e ka tlaase ho moo) mabapi le hore na ba khahliloe ke lintlha life ’malong oa Bibele le hore na melemo ea oona ke efe. Ka mor’a moo molebeli oa sekolo o tla lokolla liithuti tse filoeng lipuo likolong tse ling.

PUO EA 2: Metsotso e 4 kapa ka tlaase ho moo. Ona ke ’malo o lokelang ho etsoa ke mor’abo rōna. Seithuti se lokela ho bala taba eo se e abetsoeng se sa etse kenyelletso kapa sephetho. Ka ho khetheha molebeli oa sekolo o tla thahasella ho thusa liithuti ho bala ka kutloisiso, ho bala li sa khitlele, ho hatisa mohopolo ka ho loketseng, ho feto-fetola molumo oa lentsoe, ho khefutsa moo ho loketseng le ho bua ka tsela ea tlhaho.

PUO EA 3: Metsotso e 5. E tla abeloa morali’abo rōna. Baralib’abo rōna ba fuoang puo ena ba tla abeloa boemo ba puo kapa ba ikhethele bona lethathamong le hlahang leqepheng la 82 la buka ea Sekolo sa Tšebeletso. Seithuti se lokela ho sebelisa sehlooho se fanoeng ’me se se sebelise boemong ba tšebeletso ea tšimo ba sebele le bo sebetsang tšimong ea phutheho. Ha ho sa bontšoa hore na puo e hlaha mohloling ofe, ho tla hlokahala hore seithuti se ipatlele boitsebiso bakeng sa puo ena ka ho etsa lipatlisiso ka har’a lingoliloeng tsa rōna. Liithuti tse ncha li lokela ho fuoa lipuo tseo ho bontšitsoeng hore na li hlaha mohloling ofe. Ka ho khetheha molebeli oa sekolo o tla rata ho sheba tsela eo seithuti se hōlisang taba ka eona le tsela eo se thusang mong’a ntlo ka eona ho nahana ka Mangolo le ho utloisisa lintlha tsa sehlooho tsa taba eo ho buuoang ka eona. Molebeli oa sekolo o tla abela seithuti mothusi a le mong.

PUO EA 4: Metsotso e 5. Seithuti se lokela ho buella sehlooho se kemisong. Ha ho sa bontšoa hore na puo e hlaha mohloling ofe, ho tla hlokahala hore seithuti se ipatlele boitsebiso bakeng sa puo ena ka ho etsa lipatlisiso ka har’a lingoliloeng tsa rōna. Ha puo ena e abetsoe mor’abo rōna, o lokela ho fana ka eona e le puo e tobisitsoeng ho bamameli ba ka Holong ea ’Muso. Haeba e fuoe morali’abo rōna, kamehla e lokela ho fanoa ka tsela e boletsoeng Puong ea 3. Neng kapa neng ha molebeli oa sekolo a bona ho loketse a ka ’na a abela mor’abo rōna Puo ea 4. Re kōpa le hlokomele hore lihlooho tse nang le naletsana, kamehla li lokela ho abeloa barab’abo rōna hore ba fane ka tsona e le puo. Haeba phutheho ea lōna e e-na le baholo le bahlanka ba sebeletsang ba bangata haholo bakeng sa ho fana ka lipuo Sekolong sa Tšebeletso sa Puso ea Molimo le Sebokeng sa Tšebeletso, re khothalletsa hore ha ho khoneha, lihlooho tse nang le naletsana li fuoe baholo kapa bahlanka ba sebeletsang.

KELETSO: Motsotso o le mong. Molebeli oa sekolo a ke ke a bolela hore na seithuti se sebeletsa tšobotsing efe ea puo pele se beha puo. Ka mor’a Puo ea 2, ea 3 le ea 4, molebeli oa sekolo o tla fana ka litlhaloso tse molemo mabapi le tšobotsi ea puo e finyeletsoeng ka tsela e babatsehang. Sepheo sa hae hase feela ho re “u entse hantle,” ho e-na le hoo, ke ho totobatsa mabaka a tobileng a hore na ke hobane’ng ha tšobotsi eo ea puo e finyeletsoe ka katleho. Ho latela seo seithuti ka seng se se hlokang, keletso e eketsehileng e hahang e ka fanoa ka thōko ka mor’a seboka kapa ka nako e ’ngoe.

NAKO: Ha ho sebui se lokelang ho ja nako, le molebeli oa sekolo ha aa lokela ho ja nako ka litlhaloso. Puo ea 2 ho ea ho ea 4 li lokela ho emisoa ka bohlale ha nako e felile. Haeba barab’abo rōna ba fanang ka puo ea selelekela ea tšobotsi ea puo, Puo ea 1, kapa lintlha-khōlō tsa ’malo oa Bibele ba ja nako, ba lokela ho eletsoa ka thōko. Bohle ba lokela ho ela nako ea bona hloko. Nako ea lenaneo lohle: Metsotso e 45, ho sa akarelletsoe pina le thapelo.

FOROMO EA KELETSO: E ka bukeng ea sekolo.

MOTLATSI OA MOLEBELI OA SEKOLO: Sehlopha sa baholo se ka ’na sa khetha moholo ea tšoanelehang, haeba a le teng, hore e be motlatsi oa molebeli oa sekolo. Haeba ho e-na le baholo ba bangata phuthehong, baholo ba tšoanelehang ba ka chenchana ka kabelo ena selemo le selemo. Boikarabelo ba motlatsi oa molebeli oa sekolo e tla ba ho fana ka keletso ka thōko, haeba ho hlokahala, ho barab’abo rōna ba fanang ka Puo ea 1 le lintlha-khōlō tsa Bibele. Ha ho hlokahale hore a fane ka keletso ka mor’a puo e ’ngoe le e ’ngoe eo baholo kapa bahlanka ba sebeletsang ba fanang ka eona.

TLHAHLOBO EA SEKOLO SA TŠEBELETSO SA PUSO EA MOLIMO: Metsotso e 30. Ka mor’a likhoeli tse ling le tse ling tse peli, ho tla ba le tlhahlobo ’me e tla tsamaisoa ke molebeli oa sekolo. Pele e etsoa ho tla hlahlojoa tšobotsi ea puo le lintlha-khōlō tsa ’malo oa Bibele kamoo ho bontšitsoeng kateng ka holimo. Tlhahlobo e tla thehoa boitsebisong bo ithutiloeng sekolong likhoeling tse peli tse fetileng, ho akarelletsa le bekeng ea tlhahlobo. Haeba phutheho ea lōna e e-na le kopano ea potoloho bekeng ea Tlhahlobo ea Sekolo sa Tšebeletso sa Puso ea Molimo, joale tlhahlobo (le lipuo tsohle tsa beke eo) li lokela ho fetisetsoa bekeng e latelang ’me kemiso ea beke e latelang eo e lokela ho sebelisoa bekeng ea kopano ea potoloho. Haeba phutheho ea lōna e tla eteloa ke molebeli oa potoloho bekeng ea tlhahlobo, joale pina, tšobotsi ea puo le lintlha-khōlō tsa ’malo oa Bibele li lokela ho fanoa kamoo li leng kateng kemisong ea beke eo. Puo ea taeo (e fanoang ka mor’a tšobotsi ea puo) e lokela ho nkoa kemisong ea beke e latelang. Sekolong sa Tšebeletso sa Puso ea Molimo sa beke e latelang ho tla behoa tšobotsi ea puo le lintlha-khōlō tsa ’malo oa Bibele tse kemisong ea beke eo, ebe ho latela tlhahlobo.

KEMISO

Jan. 7 ’Malo oa Bibele: Matheu 1-6 Pina ea 62

Tšobotsi ea Puo: Ho Fana ka Tlhaloso e Hlokahalang (be-SU leq. 228 ¶2-3)

No. 1: Selelekela sa Matheu (si-SU maq. 175-6 ¶1-10)

No. 2: Matheu 5:1-20

No. 3: Ke Hobane’ng ha Batho ba E-shoa? (rs-SU maq. 217-18 ¶6)

No. 4: Litsela Tseo Moea o Halalelang oa Molimo o re Thusang ka Tsona

Jan. 14 ’Malo oa Bibele: Matheu 7-11 Pina ea 224

Tšobotsi ea Puo: Kamoo Pelo e Amehang Kateng (be-SU leq. 228 ¶4–leq. 229 ¶1)

No. 1: Thabela Lentsoe la Molimo (be-SU leq. 9 ¶1–5)

No. 2: Matheu 10:1-23

No. 3: Botšepehi Boa Putsa

No. 4: Bafu ba Hokae, Hona Boemo ba Bona ke Bofe? (rs-SU leq. 218 ¶7–leq. 220 ¶4)

Jan. 21 ’Malo oa Bibele: Matheu 12-15 Pina ea 133

Tšobotsi ea Puo: E Ruta Bamameli ba Hao (be-SU leq. 230 ¶1-6)

No. 1: Bala Bibele Letsatsi le Leng le le Leng (be-SU leq. 10 ¶1–leq. 12 ¶3)

No. 2: Matheu 14:1-22

No. 3: Ke Hobane’ng ha Lipaki Tsa Jehova li sa Kopanele Mekhoeng ea Neano ea ho Llela Bafu? (rs-SU leq. 221 ¶1–leq. 222 ¶2)

No. 4: Mohanyetsi oa Kreste ke Mang Kapa ke Eng?

Jan. 28 ’Malo oa Bibele: Matheu 16-21 Pina ea 176

Tšobotsi ea Puo: Ho Etsa Hore Puo Ebe e Rutang ka ho Etsa Lipatlisiso (be-SU leq. 231 ¶1-3)

No. 1: ‘Ela Hloko Kamoo U Mamelang Kateng’ (be-SU leq. 13 ¶1–leq. 14 ¶4)

No. 2: Matheu 17:1-20

No. 3: Ho Araba Batho ba Nang le Maikutlo a Fosahetseng ka Lefu (rs-SU leq. 222 ¶3-5 )

No. 4: Lintho Tseo Bakreste ba li Nkang li Halalela

Feb. 4 ’Malo oa Bibele: Matheu 22-25 Pina ea 151

Tšobotsi ea Puo: Ho Hlalosa Mangolo (be-SU leq. 231 ¶4-5)

No. 1: Ho Mamela Libokeng le Likopanong (be-SU leq. 15 ¶1–leq. 16 ¶5)

No. 2: Matheu 23:1-24

No. 3: Bophelo bo sa Feleng ha bo na ho Tena Batho

No. 4: Litoro—Tse Bululetsoeng le Tse sa Bululeloang (rs-SU maq. 262-3 ¶7)

Feb. 11 ’Malo oa Bibele: Matheu 26-28 Pina ea 110

Tšobotsi ea Puo: Ho Hlalosa Mantsoe (be-SU leq. 232 ¶1)

No. 1: Matheu—Lebaka Leo e Leng Molemo (si-SU maq. 180-1 ¶29-33)

No. 2: Matheu 27:1-22

No. 3: Lebaka Leo ka Lona ho sa Lekanang ho Lumela Feela Hore Molimo o Teng

No. 4: Lithethefatsi—Maemo ao Bakreste ba sa Lumelloeng ho li Sebelisa ho ’Ona (rs-SU maq. 256-7 ¶4)

Feb. 18 ’Malo oa Bibele: Mareka 1-4 Pina ea 167

Tšobotsi ea Puo: Ho Beha Mabaka ka Litemana (be-SU leq. 232 ¶2-4)

No. 1: Selelekela sa Mareka (si-SU maq. 181-3 ¶1-11)

No. 2: Mareka 2:1-17

No. 3: Lebaka Leo ka Lona Bakreste ba Qobang ho Sebelisa Matekoane (rs-SU leq. 258 ¶2–leq. 259 ¶1)

No. 4: Kamoo Lerato le Fang Motho Sebete Kateng

Feb. 25 ’Malo oa Bibele: Mareka 5-8 Pina ea 72

Tšobotsi ea Puo: Ho Khetha Boitsebiso bo Tla Tsoela Bamameli ba Hao Molemo (be-SU leq. 232 ¶5–leq. 233 ¶4)

Tlhahlobo ea Sekolo sa Tšebeletso sa Puso ea Molimo

Mar. 3 ’Malo oa Bibele: Mareka 9-12 Pina ea 195

Tšobotsi ea Puo: Ho Sebelisa Boitsebiso bo Fanoeng (be-SU leq. 234 ¶1–leq. 235 ¶3)

No. 1: U ka Ntlafatsa ho Hopola ha Hao (be-SU leq. 17 ¶1–leq. 19 ¶1)

No. 2: Mareka 11:1-18

No. 3: Lebaka Leo ka Lona Molimo a ke Keng a Bua Leshano

No. 4: Lebaka Leo ka Lona Bakreste ba sa Tsubeng Koae (rs-SU leq. 259 ¶2–leq. 261 ¶2)

Mar. 10 ’Malo oa Bibele: Mareka 13-16 Pina ea 87

Tšobotsi ea Puo: Ho Sebelisa Lipotso ka Katleho (be-SU leq. 236 ¶1-5)

No. 1: Mareka—Lebaka Leo e Leng Molemo (si-SU leq. 185-6 ¶31-3)

No. 2: Mareka 14:1-21

No. 3: U ka Hlōla Mekhoa e Mebe Joang? (rs-SU leq. 261 ¶3–leq. 262 ¶2)

No. 4: Lebaka Leo ka Lona ‘Khalefo ea Motho e sa Hlahiseng ho Loka ha Molimo’ (Jak. 1:20)

Mar. 17 ’Malo oa Bibele: Luka 1-3 Pina ea 13

Tšobotsi ea Puo: Sebelisa Lipotso ho Kenyelletsa Mehopolo ea Bohlokoa (be-SU leq. 237 ¶1-2)

No. 1: Selelekela sa Luka (si-SU leq. 187-8 ¶1-9)

No. 2: Luka 1:1-23

No. 3: Lebaka Leo ka Lona ‘Tumelo Kantle le Mesebetsi e sa Sebetseng’ (Jak. 2:20)

No. 4: Lichaba li ke ke Tsa Sitisa Morero oa Molimo ka Lefatše (rs-SU maq. 209-10 ¶2)

Mar. 24 ’Malo oa Bibele: Luka 4-6 Pina ea 156

Tšobotsi ea Puo: Lipotso Tse Thusang ho Beha Mabaka ka Taba (be-SU leq. 237 ¶3–leq. 238 ¶2)

No. 1: Karolo e Phethoang ke Moea oa Molimo ho re Thusa Hore re Hopole (be-SU leq. 19 ¶2–leq. 20 ¶3)

No. 2: Luka 4:1-21

No. 3: Na Jehova o Tla Senya Lefatše ka Mollo? (rs-SU leq. 210 ¶3–leq. 211 ¶5)

No. 4: Ho Tšaba Molimo ho ka re Thibela ho Etsa Sebe

Mar. 31 ’Malo oa Bibele: Luka 7-9 Pina ea 122

Tšobotsi ea Puo: Ho Sebelisa Lipotso Hore U Tsebe Maikutlo a Tebileng a Motho (be-SU leq. 238 ¶3-5)

No. 1: Hobane’ng ha U Lokela ho Ikitlaelletsa ho Bala? (be-SU leq. 21 ¶1–leq. 23 ¶3)

No. 2: Luka 7:1-17

No. 3: Se Bontšang Hore Molimo oa re Rata Ebile o Batla Hore re Thabe

No. 4: Litho Tsa Jerusalema e Mocha li ke ke Tsa Khutlela Lefatšeng ka Mor’a Hore Batho ba Khopo ba Timetsoe (rs-SU leq. 212 ¶1-2)

Apr. 7 ’Malo oa Bibele: Luka 10-12 Pina ea 68

Tšobotsi ea Puo: Ho Sebelisa Lipotso Bakeng sa ho Hatisa (be-SU leq. 239 ¶1-2)

No. 1: Kamoo U ka Ikitlaelletsang ho Bala Kateng (be-SU leq. 23 ¶4–leq. 26 ¶4)

No. 2: Luka 11:37-54

No. 3: Na Morero oa Molimo ka Lefatše o Fetohile? (rs-SU leq. 213 ¶1-5)

No. 4: Re Lokela ho Utloisisa Tšenolo 17:17 Joang?

Apr. 14 ’Malo oa Bibele: Luka 13-17 Pina ea 86

Tšobotsi ea Puo: Ho Sebelisa Lipotso ho Senola Monahano o Fosahetseng (be-SU leq. 239 ¶3-5)

No. 1: Tsela ea ho Ithuta (be-SU leq. 27 ¶1–leq. 31 ¶2)

No. 2: Luka 16:1-15

No. 3: Seo Molao oa Molimo o Mabapi le ho Khoahlapisa o re Rutang Sona (Lev. 19:9, 10)

No. 4: Re ka Khothatsa Batho ba Kulang Joang? (rs-SU maq. 201 ¶2-4)

Apr. 21 ’Malo oa Bibele: Luka 18-21 Pina ea 182

Tšobotsi ea Puo: Mantsoe a Bapisang le Puo ea Tšoantšetso Tse Rutang (be-SU leq. 240 ¶1–leq. 241 ¶1)

No. 1: Luka—Lebaka Leo e Leng Molemo (si-SU maq. 192-3 ¶30-5)

No. 2: Luka 18:1-17

No. 3: Kamoo re ka Khothatsang ba Shoetsoeng Kateng (rs-SU leq. 201 ¶5–leq. 202

No. 4: Se Boleloang ke ho ‘se Korotle’ (Bafil. 2:14)

Apr. 28 ’Malo oa Bibele: Luka 22-24 Pina ea 218

Tšobotsi ea Puo: Ho Sebelisa Mehlala (be-SU leq. 241 ¶2-4)

Tlhahlobo ea Sekolo sa Tšebeletso sa Puso ea Molimo

May 5 ’Malo oa Bibele: Johanne 1-4 Pina ea 31

Tšobotsi ea Puo: Mehlala e Tsoang Mangolong (be-SU leq. 242 ¶1-2)

No. 1: Selelekela sa Johanne (si-SU maq. 193-5 ¶1-9)

No. 2: Johanne 3:1-21

No. 3: Seo re Ithutang Sona ka Hore Ebe Davida o Ile a Hana Hore Morena Saule a Bolaoe

No. 4: Khothatso Bakeng sa Batho ba Talimaneng le Mahloriso ka Baka la ho Etsa Thato ea Molimo (rs-SU leq. 202 ¶5–leq. 203 ¶2)

May 12 ’Malo oa Bibele: Johanne 5-7 Pina ea 150

Tšobotsi ea Puo: Na e Tla Utloisisoa? (be-SU leq. 242 ¶3–leq. 243 ¶1)

No. 1: Ho Ithuta Hoa Putsa (be-SU leq. 31 ¶3–leq. 32 ¶4)

No. 2: Johanne 6:1-21

No. 3: Seo Tlaleho e Buang ka Ananiase le Safira e re Rutang Sona

No. 4: U ka Khothatsa ba Nyahamisitsoeng ke Leeme Joang? (rs-SU leq. 203 ¶3-6)

May 19 ’Malo oa Bibele: Johanne 8-11 Pina ea 102

Tšobotsi ea Puo: Lipapiso Tse Nkiloeng Maemong a Tloaelehileng (be-SU leq. 244 ¶1-2)

No. 1: Mokhoa oa ho Etsa Lipatlisiso ka Bibele (be-SU leq. 33 ¶1–leq. 35 ¶2)

No. 2: Johanne 11:38-57

No. 3: Khothatso Bakeng sa ba Pentsoeng ke Mathata a Lichelete (rs-SU leq. 203 ¶7—leq. 204 ¶4)

No. 4: Kaha Motho o ne a ke ke a Ahloloa Hobane a Tlōtse Molao oa Leshome, ke Hobane’ng ha o Ile oa Fanoa?

May 26 ’Malo oa Bibele: Johanne 12-16 Pina ea 3

Tšobotsi ea Puo: Lipapiso Tse Loketseng Bamameli ba Hao (be-SU leq. 244 ¶3–leq. 245 ¶4)

No. 1: Ho Ithuta ho Sebelisa Lithulusi Tse Ling Tsa ho Etsa Lipatlisiso (be-SU leq. 35 ¶3–leq. 38 ¶4)

No. 2: Johanne 12:1-19

No. 3: Khothatso Bakeng sa Batho ba Nyahameng ka Baka la Mefokolo ea Bona (rs-SU leq. 204 ¶5-8)

No. 4: Kamoo re Lahlelang Moroalo oa Rōna ho Jehova Kateng (Pes. 55:22)

June 2 ’Malo oa Bibele: Johanne 17-21 Pina ea 198

Tšobotsi ea Puo: Ho Sebelisa Lithuso Tse Bonahalang Tsa ho Ruta ka Katleho (be-SU leq. 247 ¶1-2)

No. 1: Johanne—Lebaka Leo e Leng Molemo (si-SU maq. 198-9 ¶30-5)

No. 2: Johanne 21:1-14

No. 3: Ke Hobane’ng ha re Lokela ho Lumela ho Molimo eo re sa mo Boneng?

No. 4: Ho Iphetola ha Lintho—Qaka ea Thuto ea Mahlale (rs-SU maq. 137-8 ¶5)

June 9 ’Malo oa Bibele: Liketso 1-4 Pina ea 92

Tšobotsi ea Puo: Kamoo Jesu a Ileng a Sebelisa Lithuso Tse Bonahalang Tsa ho Ruta Kateng (be-SU leq. 247 ¶3)

No. 1: Selelekela sa Liketso (si-SU maq. 199-200 ¶1-8)

No. 2: Liketso 1:1-14

No. 3: Ho Iphetola ha Lintho, Tlaleho ea Mesalla ea Lintho Tsa Khale-khale le ho Sebelisa Kahlolo e Molemo (rs-SU leq. 139 ¶1–leq. 142 ¶3)

No. 4: Ho ‘Bua ka Bolokolohi’ ho Akarelletsa Eng? (Baheb. 3:6)

June 16 ’Malo oa Bibele: Liketso 5-7 Pina ea 2

Tšobotsi ea Puo: Litsela Tsa ho Sebelisa Lithuso Tse Bonahalang Tsa ho Ruta (be-SU leq. 248 ¶1-3)

No. 1: Ho Etsa Kemiso ea Puo (be-SU maq. 39-42)

No. 2: Liketso 5:1-16

No. 3: Ho Araba Lintho Tse Buuoang ke Batho ba Lumelang Thuto ea ho Iphetola ha Lintho (rs-SU leq. 142 ¶4–leq. 144 ¶3)

No. 4: Ke Hobane’ng ha ho Tšaba Jehova e le Tšimoloho ea Bohlale? (Pes. 111:10)

June 23 ’Malo oa Bibele: Liketso 8-10 Pina ea 116

Tšobotsi ea Puo: Ho Sebelisa Limmapa, Mananeo a Kopano a Hatisitsoeng le Livideo (be-SU leq. 248 ¶4–leq. 249 ¶2)

No. 1: Ho Lokisetsa Likabelo Tsa Seithuti Bakeng sa Sekolo (be-SU leq. 43 ¶1–leq. 44 ¶3)

No. 2: Liketso 8:1-17

No. 3: Kamoo Jesu a tla “Lopolla ea Futsanehileng” Kateng (Pes. 72:12)

No. 4: Lebaka Leo ka Lona Batho ba Bangata ba Haelloang ke Tumelo (rs-SU maq. 434-35 ¶3)

June 30 ’Malo oa Bibele: Liketso 11-14 Pina ea 79

Tšobotsi ea Puo: Ho Sebelisa Lithuso Tse Bonahalang Tsa ho Ruta Bakeng sa Lihlopha Tse Khōloanyane (be-SU leq. 249 ¶3–leq. 250 ¶1)

Tlhahlobo ea Sekolo sa Tšebeletso sa Puso ea Molimo

July 7 ’Malo oa Bibele: Liketso 15-17 Pina ea 203

Tšobotsi ea Puo: Lebaka Leo ka Lona Mokhoa oa ho Beha Mabaka o Leng Bohlokoa (be-SU leq. 251 ¶1-3)

No. 1: Ho Sebetsa ka Sehlooho le Boemo ba Puo (be-SU leq. 44 ¶4–leq. 46 ¶2)

No. 2: Liketso 16:1-15

No. 3: Mabaka a ho Sebeletsa Jehova ka Sebete

No. 4: Motho a ka Fumana Tumelo Joang? (rs-SU leq. 436 ¶1-4)

July 14 ’Malo oa Bibele: Liketso 18-21 Pina ea 32

Tšobotsi ea Puo: Moo U Lokelang ho Qala Teng (be-SU leq. 251 ¶4–leq. 252 ¶3)

No. 1: Ho Lokisetsa Lipuo Tse Tobisitsoeng Phuthehong (be-SU leq. 47 ¶1–leq. 49 ¶1)

No. 2: Liketso 20:1-16

No. 3: Tumelo Tebellong ea Tsamaiso e Ncha ea Lintho ea ho Loka e Pakoa ka Mesebetsi (rs-SU leq. 436 ¶5–leq. 437 ¶4)

No. 4: Re ka Ithuta Eng Thibelong e ho Exoda 23:19b?

July 21 ’Malo oa Bibele: Liketso 22-25 Pina ea 200

Tšobotsi ea Puo: Moo ho Hlokahalang Hore U Tenyetsehe (be-SU leq. 252 ¶4–leq. 253 ¶2)

No. 1: Ho Lokisetsa Seboka sa Tšebeletso le Lipuo Tse Ling (be-SU leq. 49 ¶2–leq. 51 ¶2)

No. 2: Liketso 22:1-16

No. 3: Lipaki Tsa Jehova li Phethahatsa Johanne 13:34, 35 ka Litsela Life?

No. 4: Baprofeta ba Bohata ba ka Tsejoa Joang? (rs-SU maq. 44-5 ¶5)

July 28 ’Malo oa Bibele: Liketso 26-28 Pina ea 29

Tšobotsi ea Puo: Ho Botsa Lipotso le ho Fana ka Mabaka (be-SU leq. 253 ¶3–leq. 254 ¶2)

No. 1: Liketso—Lebaka Leo e Leng Molemo (si-SU maq. 204-5 ¶32-40)

No. 2: Liketso 26:1-18

No. 3: Hase Kamehla Baprofeta ba ’Nete ba Neng ba Utloisisa Hore na Lintho Tseo ba Neng ba li Profeta li ne li Tla Etsahala Neng le Hore na Joang (rs-SU leq. 45¶6–leq 46¶2)

No. 4: Lebaka Leo Jehova a Mamellang ka Lona

Aug. 4 ’Malo oa Bibele: Baroma 1-4 Pina ea 170

Tšobotsi ea Puo: Ho Fanoe ka Mabaka a Utloahalang a Thehiloeng Lentsoeng la Molimo (be-SU leq. 255 ¶1–leq. 256 ¶2)

No. 1: Selelekela sa Baroma (si-SU maq. 205-6 ¶1-7)

No. 2: Baroma 3:1-20

No. 3: Kamoo Mangeloi a Sireletsang le ho Matlafatsa Bahlanka ba Molimo Kateng

No. 4: Lipaki Tsa Jehova li Ntšetsa Pele Borapeli ba ’Nete (rs-SU leq. 46 ¶3-4)

Aug. 11 ’Malo oa Bibele: Baroma 5-8 Pina ea 207

Tšobotsi ea Puo: Tšehetsa Mabaka ka Bopaki bo Tlatsetsang (be-SU leq. 256 ¶3-5)

No. 1: Ho Lokisetsa Lipuo Tsa Phatlalatsa (be-SU leq. 52 ¶1–leq. 54 ¶1)

No. 2: Baroma 6:1-20

No. 3: Lipaki Tsa Jehova li Khetholloa ka Litholoana Tse Bonahalang Bophelong ba Tsona (rs-SU leq. 47 ¶1-2)

No. 4: Kamoo ho Loka ho ka re Sireletsang Kateng

Aug. 18 ’Malo oa Bibele: Baroma 9-12 Pina ea 152

Tšobotsi ea Puo: Ho Fana ka Bopaki bo Lekaneng (be-SU leq. 256 ¶6–leq. 257 ¶3)

No. 1: Baroma—Lebaka Leo e Leng Molemo (si-SU leq. 209 ¶20-5)

No. 2: Baroma 9:1-18

No. 3: Ho Seba le ho Jala Litaba Tsa Bo-bare ho ka Baka Mathata Afe?

No. 4: Ho Araba ba Reng re Baprofeta ba Bohata (rs-SU leq. 48 ¶3–leq. 49 ¶2)

Aug. 25 ’Malo oa Bibele: Baroma 13-16 Pina ea 16

Tšobotsi ea Puo: Boiteko ba ho Finyella Pelo (be-SU leq. 258 ¶1-5)

Tlhahlobo ea Sekolo sa Tšebeletso sa Puso ea Molimo

Sept. 1 ’Malo oa Bibele: 1 Bakorinthe 1-9 Pina ea 199

Tšobotsi ea Puo: Ho Etsa Hore Batho ba Ntše Maikutlo a Bona (be-SU leq. 259 ¶1-3)

No. 1: Selelekela sa 1 Bakorinthe (si-SU maq. 210-11 ¶1-7)

No. 2: 1 Bakorinthe 4:1-17

No. 3: Molimo ha a Rere Esale Pele Hore na Motho e Mong le e Mong o Tla Shoa Neng (rs-SU maq. 354-5¶1)

No. 4: Na ho Rua ke Pontšo ea Hore Motho o Hlohonolofalitsoe ke Molimo?

Sept. 8 ’Malo oa Bibele: 1 Bakorinthe 10-16 Pina ea 35

Tšobotsi ea Puo: Ho Tsosa Maikutlo a Molemo (be-SU leq. 259 ¶4–leq. 260 ¶1)

No. 1: 1 Bakorinthe—Lebaka Leo e Leng Molemo (si-SU maq. 213-14 ¶23-6)

No. 2: 1 Bakorinthe 13:1–14:6

No. 3: Lebaka Leo ka Lona Baphethi ba Lentsoe e Leng Batho ba Thabileng

No. 4: Hase Ntho e ’Ngoe le e ’Ngoe e Etsahalang eo Eleng Thato ea Molimo (rs-SU leq. 355 ¶2–leq. 356 ¶6)

Sept. 15 ’Malo oa Bibele: 2 Bakorinthe 1-7 Pina ea 58

Tšobotsi ea Puo: Ho Thusa ba Bang ho Hlaolela Tšabo ea Bomolimo (be-SU leq. 260 ¶2-3)

No. 1: Selelekela sa 2 Bakorinthe (si-SU leq. 214-15 ¶1-4)

No. 2: 2 Bakorinthe 1:1-14

No. 3: Molimo ha o Tsebe Ebile ha o Lokisetse Sohle Esale pele (rs-SU leq. 356 ¶7-357 ¶2)

No. 4: Lebaka Leo ka Lona Bakreste ba ’Nete ba Thabang ha ba Hlorisoa

Sept. 22 ’Malo oa Bibele: 2 Bakorinthe 8-13 Pina ea 12

Tšobotsi ea Puo: Boitšoaro ba Rōna ke ba Bohlokoa ho Molimo (be-SU leq. 260 ¶4-5)

No. 1: 2 Bakorinthe—Lebaka Leo e Leng Molemo (si-SU maq. 216-17 ¶18-20)

No. 2: 2 Bakorinthe 9:1-15

No. 3: Lebaka Leo ka Lona Bakreste ba ’Nete e Seng Karolo ea Lefatše

No. 4: Matla a Molimo a ho Tseba Liketsahalo e sa le Pele le ho li Lokisetsa e sa le Pele (rs-SU leq. 357 ¶3–leq. 358 ¶2)

Sept. 29 ’Malo oa Bibele: Bagalata 1-6 Pina ea 163

Tšobotsi ea Puo: Ho Thusa ba Bang ho Itlhahloba (be-SU leq. 261 ¶1-3)

No. 1: Selelekela sa Bagalata le Lebaka Leo e Leng Molemo (si-SU maq. 217-20 ¶1-6, 14-18)

No. 2: Bagalata 1:1-17

No. 3: Lebaka Leo ka Lona Molimo a sa Kang a Sebelisa ho Tseba ha Hae Lintho Pele Tabeng e Amang Adama (rs-SU leq. 358 ¶3-5)

No. 4: Kamoo Lerato le ka Hlōlang ho Tšaba Batho Kateng

Oct. 6 ’Malo oa Bibele: Baefese 1-6 Pina ea 99

Tšobotsi ea Puo: Li Thuse ho Mamela Molimo ka Lipelo Tsohle Tsa Tsona (be-SU leq. 261 ¶4–leq. 262 ¶3)

No. 1: Selelekela sa Baefese le Lebaka Leo e Leng Molemo (si-SU maq. 220-3 ¶1-8, 16-19)

No. 2: Baefese 3:1-19

No. 3: Ho Kōpa Tšoarelo Hase Letšoao la Hore Motho oa Fokola

No. 4: Na Molimo o rerile Jakobo, Esau kapa Judase e sa le Pele (rs-SU leq. 359 ¶1-3)

Oct. 13 ’Malo oa Bibele: Bafilipi 1–Bakolose 4 Pina ea 123

Tšobotsi ea Puo: Ho Sebelisana le Jehova ho Finyella Batho Lipelo (be-SU leq. 262 ¶5)

No. 1: Selelekela sa Bafilipi le Lebaka Leo e Leng Molemo (si-SU maq. 223-5 ¶1-7, 12-14)

No. 2: Bafilipi 3:1-16

No. 3: Phutheho ea Bokreste e ne e Reretsoe Esale Pele ka Tsela Efe? (rs-SU leq. 360 ¶1-2)

No. 4: a Bakolose—Lebaka Leo e Leng Molemo (si-SU leq. 228 ¶12-14)

Oct. 20 ’Malo oa Bibele: 1 Bathesalonika 1–2 Bathesalonika 3 Pina ea 161

Tšobotsi ea Puo: Ho Boloka Nako (be-SU leq. 263 ¶1–leq. 264 ¶4)

No. 1: Selelekela sa 1 Bathesalonika le 2 Bathesalonika le Lebaka Leo li Leng Molemo (si-SU maq. 229-31 ¶1-5, 13-15; maq. 232-3 ¶1-4, 10-11)

No. 2: 1 Bathesalonika 1:1–2:8

No. 3: Mangolo a Talima Bolepi ba Linaleli Joang? (rs-SU leq. 361 ¶1-5)

No. 4: b 1 Timothea le 2 Timothea—Lebaka Leo li Leng Molemo (si-SU maq. 236-7 ¶15-19; maq. 238-9 ¶10-12)

Oct. 27 ’Malo oa Bibele: 1 Timothea 1–2 Timothea 4 Pina ea 69

Tšobotsi ea Puo: Keletso e Atlehang (be-SU leq. 265 ¶1–leq. 266 ¶1)

Tlhahlobo ea Sekolo sa Tšebeletso sa Puso ea Molimo

Nov. 3 ’Malo oa Bibele: Tite 1–Filemone Pina ea 149

Tšobotsi ea Puo: Keletso e Fanoang Motheong oa Lerato (be-SU leq. 266 ¶2-5)

No. 1: Selelekela sa Tite le Lebaka Leo e Leng Molemo (si-SU maq. 239-41 ¶1-4, 8-10)

No. 2: Tite 1:1-16

No. 3: Ke Mabaka Afe a Utloahalang a ho Lumela ho Molimo? (rs-SU leq. 329-30 ¶6)

No. 4: c Filemone—Lebaka Leo e Leng Molemo (si-SU maq. 242-3 ¶7-10)

Nov. 10 ’Malo oa Bibele: Baheberu 1-8 Pina ea 144

Tšobotsi ea Puo: Khothatso e Thehiloeng Mangolong (be-SU leq. 267 ¶1-2)

No. 1: Selelekela sa Baheberu (si-SU maq. 243-4 ¶1-9)

No. 2: Baheberu 3:1-19

No. 3: Boteng ba Bokhopo le Mahlomola Hase Bopaki ba Hore Molimo ha o eo (rs-SU leq. 330 ¶7–leq. 331 ¶2)

No. 4: Phapang Pakeng Tsa Boikokobetso ba ’Nete le ba Bohata

Nov. 17 ’Malo oa Bibele: Baheberu 9-13 Pina ea 28

Tšobotsi ea Puo: Ho Bua ka Bolokolohi (be-SU leq. 267 ¶3-4)

No. 1: Baheberu—Lebaka Leo e Leng Molemo (si-SU maq. 247 ¶23-7)

No. 2: Baheberu 10:1-17

No. 3: Molimo ke Motho oa Sebele ea Nang le Maikutlo (rs-SU leq. 331 ¶3–leq. 332 ¶6)

No. 4: Kamoo ho Tšoarela ho Hlahisang Bonngoe

Nov. 24 ’Malo oa Bibele: Jakobo 1-5 Pina ea 88

Tšobotsi ea Puo: Lebaka Leo ka Lona ho Khothatsa ho Leng Bohlokoa (be-SU leq. 268 ¶1-3)

No. 1: Selelekela sa Jakobo le Lebaka Leo e Leng Molemo (si-SU maq. 248-50 ¶1-7, 15-17)

No. 2: Jakobo 1:1-21

No. 3: Molimo ha a na Qaleho (rs-SU leq. 332 ¶7–leq. 333 ¶1)

No. 4: Kamoo ‘Mohau o Thabang ka ho Fetisisa ka Tlhōlo ho Feta Kahlolo’ (Jak. 2:13)

Dec. 1 ’Malo oa Bibele: 1 Petrose 1–2 Petrose 3 Pina ea 18

Tšobotsi ea Puo: Ho Hopola Seo Jehova a se Entseng (be-SU leq. 268 ¶4–leq. 269 ¶2)

No. 1: Selelekela sa 1 Petrose le Lebaka Leo e Leng Molemo (si-SU maq. 251-3 ¶1-5, 11-13)

No. 2: 1 Petrose 2:1-17

No. 3: Ho Sebelisa Lebitso la Molimo Hoa Hlokahala Hore Motho a Bolokehe (rs-SU leq. 333 ¶2-5)

No. 4: d 2 Petrose—Lebaka Leo e Leng Molemo (si-SU leq. 255 ¶8-10)

Dec. 8 ’Malo oa Bibele: 1 Johanne 1–Juda Pina ea 50

Tšobotsi ea Puo: Ho Bontša Kamoo Jehova a Thusitseng Batho ba Hae Kateng (be-SU leq. 269 ¶3-5)

No. 1: Selelekela sa 1 Johanne, 2 Johanne le 3 Johanne le Lebaka Leo li Leng Molemo (si-SU maq. 256-8 ¶1-5, 11-13; leq. 259 ¶1-3, 5; maq. 260-1 ¶1-3, 5)

No. 2: 1 Johanne 4:1-16

No. 3: Na Malumeli ’Ohle a Lokile? (rs-SU leq. 333 ¶6–leq. 334 ¶1)

No. 4: e Juda—Lebaka Leo e Leng Molemo (si-SU maq. 262-3 ¶8-10)

Dec. 15 ’Malo oa Bibele: Tšenolo 1-6 Pina ea 219

Tšobotsi ea Puo: Ho Thabela Seo Molimo a se Etsang Hona Joale (be-SU leq. 270 ¶1–leq. 271 ¶1)

No. 1: Selelekela sa Tšenolo (si-SU maq. 263-4 ¶1-6)

No. 2: Tšenolo 3:1-13

No. 3: Jesu ke “Molimo” oa Mofuta Ofe? (rs-SU leq. 334 ¶2-3)

No. 4: Lebaka Leo ka Lona Mamello le Mohau li Nang le Moeli

Dec. 22 ’Malo oa Bibele: Tšenolo 7-14 Pina ea 21

Tšobotsi ea Puo: Rua Molemo ka Botlalo Sekolong sa Tšebeletso sa Puso ea Molimo (be-SU leq. 5 ¶1–leq. 8 ¶1)

No. 1: Tšenolo—Lebaka Leo e Leng Molemo (si-SU maq. 268-9 ¶28-34)

No. 2: Tšenolo 8:1-13

No. 3: Ho Arabela ba sa Lumeleng ho Molimo (rs-SU leq. 334 ¶4–leq. 336 ¶1)

No. 4: Poleloana e Reng “Molimo o Moholo ho Lipelo Tsa Rōna” e Bolela’ng? (1 Joh. 3:20)

Dec. 29 ’Malo oa Bibele: Tšenolo 15-22 Pina ea 60

Tšobotsi ea Puo: Ho Bala ka Nepo (be-SU leq. 83 ¶1-5)

Tlhahlobo ea Sekolo sa Tšebeletso sa Puso ea Molimo

[Mongolo o botlaaseng ba leqephe]