Tsela e Molemo ea ho Sebelisa Lipina Tsa ’Muso

Bahlanka ba Molimo ba nka ’mino e le mpho e babatsehang e tsoang ho Jehova. (Jak. 1:17) Liphutheho tse ngata li thabela ho letsetsa lipina tsa ’Muso tlaase pele liboka li kena le ha li tsoa. Ho letsa lipina tsa ’Muso ke tsela e khathollang ea ho re amohela libokeng. Ho re thusa ho lokisa likelello tsa rōna e le hore re thabele liboka. Hape ho letsa lipina tse ncha tse hlahang bukeng ea rōna ea lipina ho etsa hore re tloaele morethetho oa tsona ebile ho re thusa ho li bina ka tsela e nepahetseng. Ho letsa ’mino o joalo ka mor’a liboka ho etsa hore ho foke moea o hlasimollang e le hore barab’abo rōna ba ka thabela ho ba ’moho le ho khothatsana. Ka lebaka leo sehlopha sa baholo se lokela ho etsa litokisetso tse loketseng tsa hore ho letsoe ’mino oa Sing to Jehovah—Piano Accompaniment pele liboka li kena le ha li tsoa. Se lokela ho etsa bonnete ba hore ’mino o letsoa ka molumo o itekanetseng o sa sitiseng batho ho qoqa.