Na Bibele e ka Nthusa ho ba le Lelapa le Thabileng?

Karabo ea Bibele

E. Ena ke mehlala ea keletso e bohlale e thehiloeng Bibeleng e thusitseng banna le basali ba limilione hore ba be le malapa a thabileng:

1. Ngolisa lenyalo la hao ka molao. Lenyalo le ngolisitsoeng ka molao le thusa batho hore ba be le malapa a thabileng.​—Matheu 19:4-6.

2. Bontša lerato le tlhompho. Sena se akarelletsa ho tšoara molekane oa hao ka tsela eo u ka ratang ho tšoaroa ka eona.​—Matheu 7:12; Baefese 5:25, 33.

3. Qoba ho bua mantsoe a hlabang. Bua ka mosa, esita le haeba molekane oa hao a bua kapa a etsa ntho e u utloisang bohloko. (Baefese 4:31, 32) Joalokaha Bibele e bolela ho Liproverbia 15:1: “Karabo, ha e le bonolo, e leleka khalefo, empa lentsoe le utloisang bohloko le baka bohale.”

4. Tšepahallanang. Rata molekane oa hao ’me u kopanele liphate le eena feela. (Matheu 5:28) Bibele e re: “Lenyalo le ke le hlomphehe har’a bohle, le liphate tsa lenyalo li hloke litšila.”​—Baheberu 13:4.

5. Koetlisa bana ba hao ka lerato. Qoba ho tetesa bana ba hao le ho ba tšoara hampe.​—Liproverbia 29:15; Bakolose 3:21.