Thekiso ea Likamano Tsa Botona le Botšehali

“FORA,” ho bolela makasine oa “Time,” “baphatlalatsi ba khoebo ba fetohetse haholo tlhahisong ea ho sebelisa botona le botšehali.” Sehlooho sena ha se qotsa mantsoe a mongoli oa liphatlalatso oa London, se tsoela pele: “Ho tsosa takatso e matla ea ho kopanela liphate ka mehla e ’nile ea e-ba karolo ea sebetsa sa mophatlalatsi, empa ho hobe le ka ho fetisisa Fora.” Brazil, ha ho hlobola ho ne ho hlahisoa thelevisheneng ho phatlalatsa marikhoe a tiisang ’mele, ho ile ha lekanyetsoa keketseho e tiileng ea karolo ea 30 lekholong ea thekiso. Ka ho fapaneng, palamente ea India, e amohetse molao o ntšang tšebeliso ea basali e le litšoantšo tsa botona le botšehali phatlalatsong ea mofuta leha e le ofe. United States moea oa phetoho o bonahala o foka—ka liphatlalatso tsa khoebo tsa thelevishene. “Baphatlalatsi ba batla ho susumetsa litšeho tsa rōna ho e-na le takatso ea rōna ea botona le botšehali,” ho tlaleha “Daily News,” ha e tšehetsa tlhahlobo ea bareki e senolang hore har’a liphatlalatso tsa thelevishene tse leshome tse ratoang haholo, tse hlano li ne li tšehisa ’me li se na litaba tsa botona le botšehali.