Mehaho ea Mabenkele e sa Feleng

Setšoantšo sa morao sa koranta “Scranton Times,” ea Scranton, Pennsylvania, se bile le tlhaloso ka lenaneo la toropo la mohaho oa mabenkele o ileng oa lieha ho fela. Setsoantšo se seng sa motho se ne se re ho se seng: “Ho bonahala e se eka ho nka nako e sa feleng ho qala mosebetsi mehahong ea mabenkele!” se seng sa arabela ka hore: “Ba lokela ho a bitsa ‘Mabenkele a Holo ea ’Muso!’ Lipaki tsa Jehova li tla a haha ka matsatsi a 3!”

Linaheng tse ngata Lipaki tsa Jehova li se li tsejoa haholo ka Liholo tsa ’Muso tse makholo tse hahuoang kapele. Li na le lihlopha tsa lihahi tse koetlisitsoeng hantle le lenaneo le lokisetsoang e sa le pele la mohaho. Ka baka leo, Liholo tsa ’Muso lia hahuoa ka lihora tse 30 ho ea ho matsatsi a 4. ’Me batho ba hlokomela sena.