Lehe

Na le Entsoe?

● Lehe la nonyana le ’nile la bitsoa “sephutheloana sa mohlolo.” Hobane’ng?

Ak’u nahane: Le hoja khetla ea lehe la khoho e nang le k’halsiamo e ngata e ka ’na ea bonahala eka e thata, e na le masobana a ka bang 8 000 a manyenyane haholo. Masobana ana a lumella oksijene ho kena le carbon dioxide ho tsoa—e leng se hlokahalang e le hore tsuonyana e khone ho hema. Leha ho le joalo, khetla le lera la lehe li thibela libaktheria ho kulisa tsuonyana. Albumen—e leng motsoako o sheqesheqe o thusa lehe hore le se ke la peperana lefeela.

Bafuputsi ba lakatsa ho etsisa tsela eo lehe le entsoeng ka eona e le hore ba hlahise lihlahisoa tse sa peperaneng lefeela le lera le ka sireletsang litholoana libaktherieng le likokoana-hlokong. Leha ho le joalo, Marianne Botta Diener o ile a ngola makasineng e bitsoang Vivai hore “ha ho bonolo ho etsisa lintho tsa tlhaho.” Boiteko bo entsoeng ho fihlela hajoale, bo ’nile ba senya tikoloho.

U nahana’ng ka see? Na lehe, e leng “sephutheloana sa mohlolo,” le bile teng ka tšohanyetso? Kapa na le entsoe?

[Setšoantšo se Qanollang se leqepheng la 28]

(Ha u batla ho bona boitsebiso bo hlophisitsoeng hantle, sheba sengoliloeng)

KA HAR’A LEHE

Khetla

Mothoebe

Chalaza (e sireletsa mothoebe)

Lera le ka ntle

Lera le ka hare

Germinal disc (moo tsuonyana e qalang teng)

Albumen e metsi

Albumen e sheqesheqe

Karolo e nang le moea