Likeletso Tse re Thusang Hore re Thabele Bophelo
“Le hoja ke utloa bohloko ha ke bona lintho tse mpe tse etsahalang lefatšeng joaloka lintoa, bofutsana, ho kula le ho hlekefetsoa ha bana, ke se ke e-na le tšepo.”—RANI.a
Rani o ile a fumana thabo ea ’nete ha a ithuta ka Mohloli oa bohlale, e leng ’Mopi oa rona le Molimo ea matla ’ohle. Ha u ntse u bala lihlooho tse latelang, bona hore na ke joang lithuto tsa Molimo li ka u thusang . . .
ho ba le lelapa le thabileng
ho phelisana ka khotso le batho ba bang
ho ithuta ho khotsofala
ho utloisisa hore na ke hobane’ng ha re utloa bohloko ebile re shoa
ho ba le tšepo ka bokamoso
ho tseba ’Mopi oa rona le ho ba motsoalle oa hae
Hape u tla ithuta hore ’Mopi oa rona ha a fe batho ba itseng feela bohlale ba hae, empa o bo fa batho bohle ba bo batlang.
a Mabitso a hlahang makasineng ena a fetotsoe.