Iseraele Sebakeng se e Potolohileng

JEHOVA o ile a bolella Abrahama a re: ‘Tloha Ure e Mesopotamia u ee naheng eo ke tla u bontša eona.’ Naha eo e ne e e-na le baahi ’me e pota-potiloe ke lichaba tse ling.—Ge 12:1-3; 15:17-21.

Ha batho ba Molimo ba tloha Egepeta, ba ne ba tseba hore ba ka ‘na ba tobana le khanyetso ea lira, tse kang “bahatelli ba Moabe.” (Ex 15:14, 15) Baamaleke, Bamoabe, Baamone le Baamore ba ne ba lula libakeng tse tseleng eo Baiseraele ba neng ba tsamaea ka eona ha ba e-ea Naheng e Tšepisitsoeng. (Nu 21:11-13; De 2:17-33; 23:3, 4) ‘Me Baiseraele ba ne ba tla teana le lichaba tse ling tseo e leng lira tsa bona naheng eo Molimo a neng a ba tšepisitse eona.

Molimo o ile a re Baiseraele ba ne ba lokela ho ‘tlosa lichaba tse supileng tse nang le baahi ba bangata’—tsa Bahethe, Bagirgashe, Baamore, Bakanana, Bapereze, Baheve le Bajebuse—e leng lichaba tse neng li lokela ho timetsoa. Li ne li itšoere ka mokhoa o hlephileng ’me li ntšetsa pele bolumeli bo litšila. Melimo ea tsona e ne e akarelletsa Baale (ea tsebahalang haholo ka sebōpeho sa lefika le betliloeng le tšoantšetsang setho sa botona), Moloke (molimo ea etsetsoang mahlabelo ka bana) le Ashtorethe (Astarte) molimotsana ea fanang ka matla a ho ba le bana.—De 7:1-4; 12:31; Ex 23:23; Le 18:21-25; 20:2-5; Bhl 2:11-14; Pes 106:37, 38.

Ka linako tse ling sebaka sohle seo Molimo a neng a se fa Baiseraele se ne se bitsoa “Kanana,” ho tloha ka leboea ho Sidone ho ea fihla “phuleng ea molapo o phoroselang ea Egepeta.” (Nu 13:2, 21; 34:2-12; Ge 10:19) Ka linako tse ling Bibele e bolela mabitso a lichaba tse fapaneng, metse, kapa batho ba neng ba phela naheng eo. Ba bang ba ne ba lula libakeng tse arohileng, joaloka Bafilista ba neng ba lula lebōpong la leoatle le Bajebuse ba neng ba lula lithabeng haufi le Jerusalema. (Nu 13:29; Jos 13:3) Ka mor’a nako, ba bang ba ne ba tloha libakeng tse ling ba fallela ho tse ling.—Ge 34:1, 2; 49:30; Jos 1:4; 11:3; Bhl 1:16, 23-26.

Ha Baiseraele ba Falla Egepeta, ho ka etsahala hore ebe Baamore e ne e le morabe o matla ka ho fetisisa.a (De 1:19-21; Jos 24:15) Ba ne ba hapile naha ea Bamoabe ho ea fihla tlaase phuleng ea molapo o phoroselang ea Arnone, le hoja sebaka se ka mose oane ho Jeriko se ne se sa ntse se bitsoa “lehoatata la Moabe.” Marena a Baamore a ne a boetse a busa Bashane le Gileade.—Nu 21:21-23, 33-35; 22:1; 33:46-51.

Le hoja Molimo a ne a tšehelitse Baiseraele, ha baa ka ba felisa lichaba tsohle tse neng li ahlotsoe, ’me ka mor’a nako li ile tsa chehela Baiseraele leraba. (Nu 33:55; Jos 23:13; Bhl 2:3; 3:5, 6; 2Ma 21:11) Ka sebele, Baiseraele ba ile ba oela lerabeng ho sa tsotellehe temoso e reng: “Le se ke la latela melimo e meng, melimo leha e le efe ea lichaba tse le pota-potileng ka hohle.”—De 6:14; 13:7.

[Mongolo o botlaaseng ba leqephe]

[’Mapa leqepheng 11]

(Sheba boitsebiso bo hlophisitsoeng hantle khatisong)

Lichaba Tse Neng Li Lokela Ho Lelekoa Naheng E Tšepisitsoeng

FILISTIA (D8)

C8 Ashkelone

C9 Gaza

D8 Ashdode

D8 Gathe

D9 Gerare

KANANA (D8)

B10 BAAMALEKE

C12 Hazare-adare (Adare?)

C12 Kadeshe (Kadeshe-barnea)

D8 Lakishe

D9 Beerseba

D10 BAAMORE

D11 NEGEBE

E4 Dore

E5 Megido

E5 Tanake

E6 Afeke

E6 BAHEVE

E7 BAJEBUSE

E8 Bethe-shemeshe

E8 Hebrone (Kiriathe-arba)

E9 BAHETHE

E9 Debire

E10 Arade (Mokanana)

E10 BAKENIZE

E11 Akrabime

F4 BAGIRGASHE

F6 Shikeme

F7 BAPEREZE

F7 Gilgale

F7 Jeriko

F8 Jerusalema

G2 BAHEVE

G2 Dane (Laishe)

G3 Hazore

FOENISIA (F2)

E2 Tyre

F1 Sidone

EDOMO (F12)

F11 SEIRE

G11 Bozra

BAAMORE (SIHONE) (G8)

G6 GILEADE

G7 Shitime

G7 Heshbone

G9 Aroere

SYRIA (H1)

G1 Baale-gade

G2 BAHEVE

I1 Damaseka

MOABE (H10)

BAAMORE (OGE) (I5)

G6 GILEADE

H3 BASHANE

H4 Ashtarothe

H4 Edrei

AMMONE (I7)

H7 Raba

[Mahoatata]

H12 LEHOATATA LA ARABIA

[Lithaba]

E4 Thaba ea Karmele

E11 Thaba ea Hore

G1 Thaba ea Hermone

G8 Thaba ea Nebo

[Moo ho Nang le Metsi]

C6 Leoatle la Mediterranean (Leoatle le Leholo)

F9 Leoatle la Letsoai

G4 Leoatle la Galilea

[Linōka le melapo]

B11 P.M.P. ea Egepeta

F6 Nōka ea Jordane

G6 P.M.P. ea Jaboke

G9 P.M.P. ea Arnone

G11 P.M.P. ea Zerede

[Litšoantšo tse leqepheng la 10]

Ka ho le letona: Morena Oge oa Baamore o ne a busa Bashane, e tsebahalang haholo ka lipoho le linku tsa eona

Ka tlaase: Moabe, ka mose ho Leoatle la Letsoai ho ella lefelleng la Juda

[Setšoantšo se leqepheng la 11]

Jehova o ile a laela Baiseraele ho leleka lichaba tse rapelang melimo ea bohata, e kang Baale, Moloke le Ashtorethe (ea bontšitsoeng) molimotsana ea fanang ka matla a ho ba le bana