Lenaneo le Lecha la Kopano ea Letsatsi le Khethehileng
1 Lenaneo la rōna la kopano ea letsatsi le khethehileng le qalang ka September le tla buella sehlooho “Le ’Ne le Pakele ’Nete.” Lenaneo lohle le tla lebisa tlhokomelo mohlaleng oo Jesu a re sietseng oona le kamoo a ileng a sebelisa hamolemo monyetla o mong le o mong oa ho abelana ’nete le ba bang. Le tla hatisa boikarabelo ba rōna joaloka barutuoa ba Kreste hore re mo etsise ho pakeleng ’nete.—1 Ba-Kor. 11:1.
2 Ho tla buisanoa ka karolo eo phutheho e e phethang ho buella ’nete. Ho tla boela ho hatisoa ho sebelisa limakasine tsa rōna le likhatiso tse ling hamolemo.
3 Puo ea sehlooho ka sebui sa moeti e na le sehlooho “Ho Pakela ’Nete—Seo ho se Finyellang.” (Joh. 8:32) Ka sebele lenaneo lena la kopano ea letsatsi le khethehileng le tla tebisa kananelo ea rōna bakeng sa ’nete ’me le re thuse bohle hore re lule re sa sisinyehe ’me re “tiile ’neteng.”—2 Pet. 1:12; 1 Ba-Kor. 15:58.