Tsela ea ho Buella Limakasine

Molula-Qhooa May 15

“Na u nahana hore hoa khoneha ho tseba Molimo? [Emela karabelo.] U tla lumela hore ho thata ho lumela mothong eo re sa tsebeng hakaalo ka eena. Ha e le hantle, Bibele e re khothalletsa hore re batle Molimo. [Bala Liketso 17:27.] Lihlooho tsena li re bontša kamoo re ka tsebang Molimo haholoanyane kateng.”

Molula-Qhooa June 1

“Liketsahalo tsa morao tjena li etsa hore ba bangata ba ipotse hore na ke hobane’ng ha batho ba se nang molato ba e-shoa pele ho nako. Na u kile ua ipotsa hore na ke hobane’ng ha batho ba e-shoa? [Emela karabelo, ebe u phetla chate e leqepheng la 7.] Na u ka rata ho utloa seo Bibele e se buang ka tse ling tsa likhopolo tsee tse tloaelehileng?” Haeba ho khoneha, bala lengolo le qotsitsoeng.

Tsoha! June 8

“Baeta-pele ba lefatše ba lekile likhopolo tse ngata moo ba batlang ho re rarollela mathata. Leqheka le leng le lecha ke le tsejoang ka hore ke ho ikopanya ha lichaba tsa lefatše. Makasineng ena, u ka bala kamoo e ka ’nang eaba boiteko bona bo bocha bo se bo ntse bo u ama kateng bophelong. U ka boela ua bala ka tharollo e boletsoeng esale pele ka Bibeleng bakeng sa lefatše lohle.” Ebe u bala Matheu 6:9, 10.

Nehelano e ’ngoe: “Batho ba bangata ba nahana hore bolumeli le saense lia hanyetsana. Ba bang ba bile ba nahana hore hase ho ka etsahalang hore motho ea sekametseng saenseng a lumele hore Molimo o teng. Uena u nahana’ng ka see? [Emela karabelo.] Tsoha! ena e tšohla taba ena ka tsela e rutang ka ho fetisisa.”