Tsela ea ho Buella Limakasine

Molula-Qhooa Apr. 15

“Batho ba bang ba nahana hore ntho e ’ngoe le e ’ngoe e etsahalang lefatšeng, ho akarelletsa le litsietsi, ke thato ea Molimo. Na u kile ua nahana ka seo? [Emela karabelo.] Batho ba bangata ba tseba thapelo ena. [Bala Matheu 6:10b.] Thato ea Molimo ke efe ka lefatše, hona e tla phethahala neng ka ho feletseng? Makasine ena e fana ka karabo e tsoang Bibeleng.”

Molula-Qhooa May 1

“Ka boiteko ba ho ntlafatsa boemo ba sechaba, baeta-pele ba bang ba bolumeli ba kenella lipolotiking. Leha ho le joalo, hlokomela seo Jesu a ileng a se etsa ha batho ba batla ho mo etsa morena. [Bala Johanne 6:15.] Jesu o ne a lebisitse tlhokomelo nthong e neng e tla tlisetsa ba bang molemo oa ka ho sa feleng. Makasine ena e hlalosa hore na ntho eo ke eng.”

Tsoha! May 8

“Batho ba bangata ba tobana le maemo a phephetsang mosebetsing. Ebile ba bang ba hobosoa ke basebetsi-’moho. Na u ne u tseba hore Bibele e na le keletso e ka re thusang ho sebetsana ka katleho le liphephetso tse joalo? [Emela karabelo. Ebe u bala Liproverbia 15:1.] Makasine ena e fana ka litlhahiso tse molemo tsa ho boloka khotso le ba bang mosebetsing.”

Nehelano e ’ngoe: “Lefatšeng la kajeno, batho ba bang ba ikutloa ba se na tšepo. Na ka linako tse ling u ikutloa ka tsela eo? [Emela karabelo. Ebe u bala Baroma 15:4.] Batho ba bangata ba hlokomela bohlokoa ba ho ba le tšepo. U tla thabela ho hlahloba mabaka a supileng a Mangolo a ho ba le tšepo a boletsoeng Tsoheng! ena.”