Tsela ea ho Buella Limakasine

Molula-Qhooa Apr. 15

“Hoo e ka bang batho kaofela baa lumela hore ke habohlokoa hore motho a buisane le molekane oa hae hantle e le hore ba thabele bophelo ba lelapa, empa batho ba bangata ba thatafalloa ke ho buisana hantle. U nahana hore ke hobane’ng ha ho le joalo? [Emela karabo.] Makasine ena e fana ka litlhahiso tsa ho ba le mekhoa e metle ea puisano.” Bala Jakobo 1:19.

Tsoha! Apr.

“Batho ba bangata ba re sefapano se ba thusa ho ikutloa ba le haufi le Molimo. Leha ho le joalo, ba bang ba ipotsa potso ena: Na ho nepahetse ho hlompha le ho rapela ntho e sebeliselitsoeng ho bolaea Jesu? Na kannete Jesu o shoeletse sefapanong? Sehlooho se qalang leqepheng la 12 se tšohla lipotso tsena ho ea ka pono ea Bibele.” Bala Liketso 5:30.

Molula-Qhooa May 1

“Batho ba limilione lefatšeng ka bophara ba phela habohloko ka lebaka la bofuma. U nahana hore ho ka etsoa’ng ho ba thusa? [Emela karabo. Ebe u bala 1 Petrose 2:21.] Makasine ena e hlalosa kamoo re ka latelang mohlala oa Jesu kateng ka ho bontša hore re amehile ka mafutsana.”

Tsoha! May

“Na u kile ua ipotsa hore na ke hobane’ng ha re tsofala? [Emela karabo.] Tlhaloso ea Bibele ea hore na ke hobane’ng ha re tsofala e bontša hore na Molimo o entse eng ho re bulela monyetla oa ho phela ka ho sa feleng. [Bala Esaia 25:8.] Makasine ena ea Tsoha! e hlahloba maikutlo ao batho ba nang le ’ona kajeno mabapi le botsofali.”