Tsela ea ho Buella Limakasine

Molula-Qhooa Aug. 15

“Re kōpa ho utloa maikutlo a hao ka taba e ’ngoe eo Jesu a e buileng. [Bala Matheu 5:5.] Ha tšepiso ee e phethahala, na u nahana hore maemo a lefatše a tla tšoana le ao re a bonang kajeno? [Emela karabo.] Makasine ena e bontša seo Bibele e se buang mabapi le hore na Jesu o tla fetola lefatše joang. E boetse e hlalosa hore na ke bo-mang ba tla rua lefatše.”

Tsoha! Aug.

“Na u nahana hore ho na le mohla re tla boela re bone baratuoa ba rōna ba shoeleng? [Emela karabo.] Utloa tšepiso ea Jesu ka bafu. [Bala Johanne 5:28, 29.] Sehlooho sena se hlalosa seo Bibele e se buang mabapi le hore na ho etsahala’ng ka rōna ha re e-shoa.” Buella sehlooho se qalang leqepheng la 28.

Molula-Qhooa Sept. 1

“Kajeno batho ba bangata ha ba sa thahasella bolumeli. Na u nahana hore ho rata bolumeli ho re thusa ho ba batho ba molemo? [Emela karabo.] Hlokomela hore na Bibele e ile ea profeta hore batho ba bang ba ne ba tla batla eng bolumeling matsatsing a ho qetela. [Bala 2 Timothea 4:3, 4.] Makasine ena e hlalosa hore na borapeli ba ’nete bo tlotlisa Molimo joang le hore bo re ruisa molemo joang.”

Tsoha! Sept.

“Batho ba bangata baa ipotsa hore na ho lumela ho Molimo ho lumellana le saense. U nahana joang ka taba ee? [Emela karabo. Ebe u bala Baheberu 3:4.] Tsoha! ena e khethehileng e tšohla bopaki bo entseng hore bo-rasaense ba bang ba lumele hore ’Mōpi o teng.”