Tsela ea ho Buella Limakasine

Molula Qhooa Mar. 15

“Batho ba atisa ho bolela hore Jesu Kreste oa tla. Na u nahana hore ketsahalo ee ke eo motho a lokelang ho e lebella ka thabo kapa ho e tšaba? [Emela karabo.] Hlokomela kamoo mongoli oa Bibele Johanne a ileng a ikutloa kateng ka ketsahalo eo. [Bala Tšenolo 22:20.] Makasine ena e hlalosa seo Kreste a tla se finyella ha a e-tla.”

Tsoha! Mar.

“Ho bonahala baeta-pele ba bangata ba lefatše ba ikhantša le ho ikakasa haholo. Na u nahana hore boikutlo boo bo etsa hore ho be le khotso le kutloano lefatšeng? [Emela karabo.] Bibele e bua tjena ka boikhantšo le boikakaso. [Bala Liproverbia 16:18.] Sehlooho sena se hlalosa melemo ea ho ikokobetsa.” Buella sehlooho se qalang leqepheng la 20.

Molula Qhooa Apr. 1

“Hoo e ka bang letsatsi le leng le le leng, re tobana le lipotso tse amanang le bophelo ba rōna, malapa a rōna le mosebetsi oa rōna. U nahana hore ke hokae moo re ka fumanang likarabo tse ka tšeptjoang le tse utloahalang? [Emela karabo.] Hlokomela hore na Bibele e re’ng ho 2 Timothea 3:16. [E bale.] Makasine ena e bontša kamoo Bibele e ka re thusang kateng ka litsela tse ngata tse sebetsang.”

Tsoha! Apr.

“Likarolong tse ngata tsa lefatše, batho ba lumela hore melao ea boitšoaro ea hlepha. Na u hlokometse seo? [Emela karabo.] Maemo ao re a bonang kajeno a phethahatsa boprofeta ba Bibele. [Bala 2 Timothea 3:2-4.] Makasine ena e hlalosa mabaka a ho hlepha ha boitšoaro le hore na ho lebisa moloko oa batho hokae.”