Tsela ea ho Buella Limakasine

Molula-Qhooa Sept. 15

“Ke lakatsa ho utloa maikutlo a hao temaneng ena. [Bala Deuteronoma 32:4.] Na u kile ua ipotsa hore na ke hobane’ng ha mahlomola le bokhopo li le ngata hakana lefatšeng haeba Molimo a le matla ’ohle ebile a e-na le toka? [Emela karabo.] Makasine ena e hlalosa hore na ke hobane’ng ha Molimo a lumeletse hore bokhopo bo tsoele pele ho fihlela mehleng ea rōna.”

Tsoha! Sept.

“Boholo ba rōna re batla ho phela hantle ebile e le halelele. Na u nahana hore ho ba le maikutlo a matle ho ka ntlafatsa bophelo ba rōna? [Emela karabo ebe u bala Liproverbia 17:22.] Makasine ena e tšohla hore na ke hobane’ng ha ho loketse hore re sebeletse ho ba le maikutlo a matle.” Mo bontše sehlooho se leqepheng la 26.

Molula-Qhooa Oct. 1

“Na u se u kile ua re, ‘kea ikoahlaea!’? [Emela karabo.] Hlokomela hore na temana ena e re ke hobane’ng ha bohle re etsa liqeto tseo re ikoahlaelang tsona hamorao. [Bala Jeremia 10:23.] Makasine ena e hlalosa kamoo keletso e sebetsang e ka Bibeleng e ka re thusang ho etsa liqeto tse bohlale.”

Tshoa! Oct.

“Na u nahana hore bana ba kajeno ba kotsing ho feta ba mehleng e fetileng? [Emela karabo.] Ba bangata ba nahana hore re phela nakong e hlalositsoeng mona. [Bala 2 Timothea 3:1-5.] Makasine ena e fana ka litlhahiso tse thusang tsa kamoo batsoali ba ka sireletsang bana ba bona ho linonnori tse batlang ho kopanela liphate le bana.”