Ho Hlalosa Seo re se Lumelang ka Selemo sa 1914

Mangolo a re khothalletsa hore re lule ‘kamehla re loketse ho ikarabella’ bakeng sa seo re se lumelang ’me re ‘etsa joalo ka maikutlo a bonolo le tlhompho e tebileng.’ (1 Pet. 3:15) Ha e le hantle, re ka ’na ra thatafalloa ho hlalosa linnete tse tebileng tsa Bibele, tse kang hore na re tseba joang hore ’Muso o qalile ho busa ka 1914. E le hore re thusoe ntlheng ena, ho lokiselitsoe sehlooho se likarolo li peli se reng, “Moqoqo le Moahelani—’Muso oa Molimo o Qalile Neng ho Busa?” Sehlooho sena se tla hlaha limakasineng tsa Molula-Qhooa tseo re tla beng re li tsamaisa ka October le November. Ha u ntse u hlahloba lihlooho tsena, nahana ka lipotso tse latelang mabapi le tsela eo Cameron a buisanang le mong’a ntlo ka eona.

O ile a. . .

• re’ng ha a babatsa mong’a ntlo e le hore a fumane ntlha eo ba lumellanang ka eona?—Lik. 17:22.

• bontša boikokobetso joang ha a hlalosa seo a se lumelang?—Lik. 14:15.

Ke hobane’ng ha ho bile molemo hore . . .

• nako le nako a akaretse ka bokhutšoanyane seo ba buileng ka sona pele a bua ka lintlha tse ling?

• nako le nako a thōla-thōle ebe ka mor’a moo o botsa mong’a ntlo hore na o utloisisa seo a mo hlaloselitseng sona ho fihlela mothating oo?

• a se ke a leka ho akaretsa boitsebiso bo bongata puisanong e le ’ngoe? —Joh. 16:12.

Ruri re lokela ho leboha Jehova, “Morupeli oa [rōna] e Moholo,” ka ho re ruta tsela eo re ka hlalosang linnete tse tebileng tsa Bibele ho batho ba li lapetseng!—Esa. 30:20.