PHELA JOALOKA MOKRESTE
Ho Bontša Mekhoa e Metle ha re Tsamaea ka Ntlo le Ntlo
Bakreste ba fetohile “sebonoang ka lebaleng la liketsahalo ho lefatše.” (1 Bakor. 4:9) Ka hona ha ho makatse, hore nakong eo re leng tšimong beng ba matlo ba re nyarela ka lifensetere kapa ba re mamela ba le ka tlung. Ka nako e ’ngoe ntlong eo re eang ho eona ho ka etsahala hore ebe beng ba eona ba ka khona ho re bona le ho re utloa re ntse re le hekeng. A re ke re hlahlobeng litsela tseo re ka li sebelisang malapeng a batho ha re ntse re bolela ka ntlo le ntlo.—2 Bakor. 6:3.
KA LIKETSO TSA RONA (Bafil. 1:27):
Re lokela ho hlompha beng ba matlo ka hore re se ke ra nyarela ka matlong a bona. Ha re ea ka ntlo le ntlo re ntse re emetse ho buleloa lemati, re lokela ho qoba ho sebelisa lifono, ho ja, ho noa metsi kapa lino-mapholi.
KA LIPUO TSA RONA (Baef. 4:29):
Ha re eme monyako re lokela ho qoba ho bua lintho tse ka koatisang mong’a ntlo haeba a ne a ka re utloa. Mohlomong re ka ba ra khetha ho thola le ho nahanisisa ka seo re tlo se bua