Ho Ntlafatsa Bokhoni ba Rona Boboleling​—Ka ho Khutlela ho Batho ba Ileng ba Thahasella Molaetsa

KE HOBANE’NG HA HO LE BOHLOKOA: Batho ba bangata ba thahasellang molaetsa oa Bibele ba batla ho tseba Molimo. (Esa. 55:6) Re lokela ho lula re khutlela ho bona e le ho ba thusa hore ba ’ne ba ithute ka Molimo. Batho ba hlaheloa ke mathata a fapaneng. Kahoo, le tsela eo re ba thusang ka eona e tla fapana. Empa re tla atleha haeba nako le nako pele re khutlela ho bona re lokisetsa hore na re tla buisana ka’ng le bona, ka sepheo sa hore re qetelle re se re ithuta Bibele le bona.

RE KA HO ETSA JOANG?:

• Khutlela ho motho eo u mo fumaneng kapele kamoo u ka khonang, mohlomong ka mor’a matsatsi a seng makae.—Mat. 13:19

• E-ba botsoalle, mo hlomphe ’me u phutholohe

• Qala ka ho mo lumelisa u bososela ’me u mo bitse ka lebitso. Mo hopotse hore na ke hobane’ng ha u tlile, mohlomong ho tl’o araba potso e itseng, ho mo fa sengoliloeng sa morao-rao, ho mo bontša websaete, video kapa hore na re ithuta Bibele joang le batho. Haeba a bua ka taba e ’ngoe e fapaneng le eo u neng u tl’o bua le eena ka eona, bua ka eona taba eo.—Bafil. 2:4

• Mo thuse hore a lule a thahasella ka hore u mo balle Lengolo, mohlomong u be u mo fe le sengoliloeng. (1 Bakor. 3:6) Leka ho etsa hore a phutholohe ha u le teng

• Mo bolelle hore na le tla bua ka’ng nakong e tlang