Ho Ntlafatsa Bokhoni Ba Rona Boboleling Ka ho Thusa ba Nang le ‘Tšekamelo e Nepahetseng’ Hore Ebe Barutuoa

KE HOBANE’NG HA HO LE BOHLOKOA: Jehova o etsa hore peo ea molaetsa oa Lentsoe la hae, e hole ka lipelong tsa batho ba nang le “tšekamelo e nepahetseng bakeng sa bophelo bo sa feleng.” (Lik 13:48; 1Ko 3:7) Re sebetsa ’moho le eena ha re thusa batho haholo-holo ba lekang ho phela tumellanong le seo ba ithutileng sona. (1Ko 9:26) Batho ba ithutang Bibele ba lokela ho utloisisa hore kolobetso kea bohlokoa e le hore ba tle ba bolokehe. (1Pe 3:21) Re ba thusa hore ebe barutuoa ka ho ba ruta ho etsa liphetoho bophelong ba bona, hore ba etse mosebetsi oa boboleli le oa ho etsa barutuoa, le ka hore ba inehele ho Jehova.—Mat 28:19, 20.

KAMOO RE KA HO ETSANG KATENG:

• Hopotsa liithuti hore morero oa ho ithuta Bibele, ke ho li thusa ho tseba Jehova le hore li mo khahlise.—Joh 17:3

• Li thuse hore kamano ea tsona le Molimo ebe matla ka hore li hlole mathata a kang mekhoa e mebe le ho khaotsa ho tloaelana le batho ba fosahetseng

• Li matlafatse le ho li khothatsa leha li se li kolobelitsoe.—Lik 14:22

SHEBELLANG VIDEO EA JEHOVA MOLIMO O TLA U THUSA. KA MOR’A MOO, ARABANG LIPOTSO TSE LATELANG:

• Ke lintho life tse ka etsang hore seithuti sa Bibele se tšabe ho inehela ho Jehova le hore se kolobetsoe?

• Baholo ba ka thusa liithuti tsa Bibele joang hore kamano ea tsona le Molimo ebe matla?

• Esaia 41:10 e re ruta’ng ka Jehova?

• Ke makhabane afe a ka re nolofaletsang ho sebeletsa Jehova ka tsela eo a e amohelang le hoja re sa phethahala?