Jehova o Sireletsa Batho ba hae

Paseka ea pele e ne e le ea bohlokoa ka ho fetisisa. Bosiung boo, ka mor’a hore Faro a hlokomele hore mora oa hae oa letsibolo o shoele, o ile a re ho Moshe: “Tsohang, le tsoe har’a sechaba sa ka, lona le bara ba bang ba Iseraele, ’me le tsamaee, le sebeletse Jehova, feela joalokaha le boletse.” (Ex 12:​31) Jehova o ile a bontša hore o hlokomela batho ba hae.

Le mehleng ena ha re sheba histori ea batho ba Molimo, rea hlokomela hore Jehova o tsoela pele ho tataisa le ho sireletsa batho ba hae. Bopaki ba taba ena bo bonahala musiamong o ntlo-kholo o bitsoang “Batho Bakeng sa Lebitso la Jehova.”

SHEBELLANG VIDEO EA MAETO A HO BOHA MUSIAMO O WARWICK: “BATHO BAKENG SA LEBITSO LA JEHOVA” EBE LE ARABA LIPOTSO TSE LATELANG:

• 

  Qalong ea 1914 Liithuti Tsa Bibele li ile tsa sebelisa thulusi efe e le ho matlafatsa tumelo ea bona?

• 

  Ke liteko life tse ileng tsa ba teng ka 1916 le ka 1918, hona ke bopaki bofe bo neng bo le teng ba hore Jehova o ne a tataisa mokhatlo oa hae?

• 

  Batho ba Jehova ba ile ba lula ba tiile tumelong joang le hoja ba ne ba hlorisoa?

• 

  Ke thuto efe eo batho ba Molimo ba ileng ba e fumana ka 1935, hona e ile ea ba tsoela molemo joang?

• Haeba u se u kile oa boha musiamo ona, ke lintho life tseo u ileng oa li bona tse ileng tsa u kholisa hore Jehova o sireletsa le ho tataisa batho ba hae?