Ntho ea Bohlokoa ka ho Fetisisa Tabernakeleng

25:​9, 21, 22

Areka e ne e le ntho ea bohlokoa ka ho fetisisa tabernakeleng le liahelong tsa Baiseraele. Leru le neng le le lipakeng tsa likerubime tse peli tse neng li le ka holim’a sekoahelo sa areka le ne le bontša boteng ba Molimo. Ka letsatsi la ho koaheloa ha libe selemo se seng le se seng, moprista ea phahameng o ne a kena ka Sehalalelisisong ebe o fafatsa mali a poho le a poli ka pel’a sekoahelo e le ho koahela libe tsa Baiseraele. (Le 16:​14, 15) Ntho ena eo moprista ea phahameng a neng a e etsa e ne e tšoantšetsa ntho eo Jesu a neng a tla etsa ha a kena leholimong e le Moprista ea Phahameng a hlahisa bohlokoa ba sehlabelo sa hae.​—Heb 9:​24-26

Bapisa mangolo a latelang le litlhohonolofatso tseo re tla li fumana ka lebaka la sehlabelo sa Jesu:

MANGOLO

• 1Jo 1:​8, 9

• Heb 9:​13, 14

• Bar 6:23

LITLHOHONOLOFATSO

• tšepo ea ho phela ka ho sa feleng

• ho tšoareloa libe

• ho ba le letsoalo le hloekileng

Re lokela ho etsa’ng e le hore re tle re fumane litlhohonolofatso tsee?