Popo e Etsa Hore re Tšepe Bohlale ba Jehova Haholoanyane

Na Jehova o lula a tseba se molemo bakeng sa rona? Ho joalo. Kaha re kholoa sena, re bontša bohlale ka ho mamela tataiso ea Jehova. (Lipr 16:3, 9) Ka linako tse ling, ho ka ba thata hore re tšepe tataiso ea Jehova haeba re sa bone lintho joaloka eena. Re ka tšepa bohlale ba Jehova haholoanyane ka hore re nahanisise ka lintho tseo a li bopileng.​—Lipr 30:24, 25; Bar 1:20.

SHEBELLANG VIDEO EA NA E ENTSOE? LIKOKOANYNANA LI TSAMAEA JOANG KA TSELA E HLOPHISEHILENG? EBE LE ARABA LIPOTSO TSE LATELANG:

• Likokoanyana tse ngata li lula li etsa’ng?

• Likokoanyana li khona ho tsamaea joang ka tsela e hlophisehileng?

• Batho ba ka ithuta’ng tseleng eo likokoanyana li tsamaeang ka eona?

SHEBELLANG VIDEO EA NA E ENTSOE? LINOTŠI TSE BITSOANG BUMBLEBEE LI KHONA JOANG HO LAOLA TSELA EO LI FOFANG KA EONA? EBE LE ARABA LIPOTSO TSE LATELANG:

• Ke mathata afe ao bakhanni ba lifofane ba kopanang le ’ona ha ba fofisa lifofane tse nyane?

• Notši e bitsoang bumblebee e khona joang ho fofa le hoja ho e-na le moea o matla?

• Batho ba ka rua molemo joang ha ba ka sebelisa bohlale ba notši e bitsoang bumblebee?

Ke lintho life tseo Jehova a li bopileng tse bontšang bohlale ba hae tseo u ileng oa li bona sebakeng seo u lulang ho sona?