PHELA JOALOKA MOKRESTE

Lula U Itokiselitse Mathata a Moruo?

Ha re makale ha re bona moruo o sa tsitse ka lebaka la lintho tse etsahalang lefatšeng. Hobane’ng? Hobane re phela mehleng ea bofelo ’me Bibele e re eletsa hore re se ke ra tšepa “maruo a ka felang.” (1Ti 6:17; 2Ti 3:1) Mohlala oa Morena Josafate o re ruta’ng ka ho itokisetsa mathata a moruo?

Ha Josafate a hlaseloa, o ile a tšepa Jehova. (2Kr 20:9-12) O ile a boela a sireletsa sechaba esale pele ka ho beha masole metseng eohle e sirelelitsoeng ka marako. (2Kr 17:1, 2, 12, 13) Joaloka Josafate, re lokela ho tšepa Jehova ’me re itokisetse maemo a boima.

KE JOANG RE KA ITOKISETSANG MATHATA A MORUO?

Matlafatsa setsoalle sa hao le Jehova: Khotsofalla lintho tseo u nang le tsona u be u tšepe hore Jehova o tla u fa lintho tseo u li hlokang bakeng sa letsatsi ka leng. (Mat 6:26; 1Ti 6:8) U se ke oa khaotsa ho sebelisa melao-motheo ea Bibele ka lebaka la lintho tseo u li hlokang. (Bar 2:21) Nahana ka hore na u tla fumana lintho tse tla u thusa ho matlafatsa setsoalle sa hao le Jehova joang haeba motlakase kapa Inthanete e ka ba sieo. Lula u e-na le likopi tse hatisitsoeng tsa lingoloa tse thehiloeng Bibeleng ’me u daonloude lingoloa sesebelisoeng sa elektronike esale pele haeba ho khoneha.

Itokise esale pele bakeng sa lintho tseo u tla li hloka: Qoba likoloto le litšenyehelo tse sa hlokahaleng pele ho e-ba le mathata a moruo. (Pr 22:7) Boloka lijo tse ke keng tsa senyeha le lintho tse ling tse hlokahalang. Ba bang ba ka ’na ba bona ho le molemo ho lema meroho e le hore ba boloke chelete.

SHEBELLANG VIDEO EA NA U ITOKISELITSE LIKOLUOA TSA TLHAHO? EBE LE ARABA LIPOTSO TSE LATELANG:

Video ea “Na U Itokiselitse Likoluoa Tsa Tlhaho?” Ho hlahile Bibele, go bag, fono le basebetsi ba kaho.

U ka etsa’ng ho itokisetsa koluoa?

Karabo ea hao

Video ea “Na U Itokiselitse Likoluoa Tsa Tlhaho?” Bara ba bo rona ba thusa batho ba hlahetsoeng ke koluoa. Ba theola thepa koloing le ho thusa ka mosebetsi oa kaho.

Ke joang u ka itokisetsang ho thusa ba bang?

Karabo ea hao