Na Lipaki Tsa Jehova li Lumela ho Jesu?

E. Re lumela ho Jesu, ea ileng a re: “Ke ’na tsela le ’nete le bophelo. Ha ho ea tlang ho Ntate haese ka ’na.” (Johanne 14:6) Rea lumela hore Jesu o ile a tla lefatšeng a tsoa leholimong ’me a fana ka bophelo ba hae e le motho ea phethahetseng hore e be sehlabelo sa thekollo. (Matheu 20:28) Lefu la hae le tsoho ea hae li buletse ba bontšang tumelo ho eena monyetla oa ho fumana bophelo bo sa feleng. (Johanne 3:16) Re boetse rea lumela hore hona joale Jesu ke Morena oa ’Muso oa Molimo oa leholimo, oo haufinyane o tla tlisa khotso lefatšeng lohle. (Tšenolo 11:15) Leha ho le joalo, re lumela seo Jesu a se buileng ha a ne a re: “Ntate o moholo ho ’na.” (Johanne 14:28) Kahoo ha re rapele Jesu, kaha ha re lumele hore ke eena Molimo ea Matla ’Ohle.