Pina ea 21
Ho Thaba ba Mohau!
E Hatisitsoeng
1. Ho thaba batho ba mohau!
Ho ’Mōpi ke ba khabane.
Ba joetsa ba ratang toka,
Mohau o thabeloa ke Jah.
Molimo o bile mosa,
Ka ho romela konyana,
Ho lopolla ba bonolo,
Baetsalibe ka tlhaho.
2. Ba nang le mohau oa Ntate,
Ba hlohonolofalitsoe.
Ka sehlabelo sa Mora,
Jehova o’a ba hauhela.
Ba rata ho bontša mosa
Ka ho bolela litaba,
Ka ho hoeletsa, “Nyakallang
Hobane Jesu oa busa.”
3. Ba bonolo ba tla bona
Rato la ’Mōpi oa bona.
Ha ba ahloloa ka mohau,
Kaha le bona ba mohau.
A re bontšeng mohau ona
’Me re’o hlaolele kamehla.
Jah le Kreste ba’o bontšitse;
Re bontše mohau kamehla.
(Sheba le Luka 6:36; Bar. 12:8; Jak. 2:13.)