Mahloriso
Ke hobane’ng ha Bakreste ba sa lokela ho makala ha ba hlorisoa?
Ke hobane’ng ha re lokela ho kopa Jehova hore a re fe matla ha re hlorisoa?
Ps 55:22; 2Ko 12:9, 10; 2Ti 4:16-18; Heb 13:6
Mehlala ea batho ba ka Bibeleng e ka u thusang:
1Ma 19:1-18—Ha moprofeta Elia a ne a hlorisoa, o ile a rapela ’me Jehova a mo khothatsa le ho mo tšelisa
Lik 7:9-15—Ha Josefa a ne a hlorisoa ke bana babo, Jehova o ile a lula a e-na le eena a ba a mo sebelisa hore a pholose lelapa labo
Re ka hlorisoa ka litsela life?
Re ka songoa
2Kr 36:16; Mat 5:11; Lik 19:9; 1Pe 4:4
Mehlala ea batho ba ka Bibeleng e ka u thusang:
2Ma 18:17-35—Rabshake, ’muelli oa morena oa Asiria o ile a rohaka Jehova le batho ba Jerusalema
Lu 22:63-65; 23:35-37—Ka mor’a hore Jesu a tšoaroe, batho ba neng ba mo hlorisa ba ile ba mo rohaka le ho mo soma le ha a se a le palong
Re ka hlorisoa ke ba lelapa
Re ka tšoaroa ra ba ra lokela ho hlaha ka pel’a makhotla a linyeoe
Re ka shapuoa
Re ka hlaseloa ke batho ba motse
Re ka bolaoa
Bakreste ba lokela ho etsa’ng ha ba hlorisoa?
Mat 5:44; Lik 16:25; 1Ko 4:12, 13; 1Pe 2:23
Mehlala ea batho ba ka Bibeleng e ka u thusang:
Lik 7:57–8:1—Setefane o ile a hlaseloa ke sehlopha sa batho se neng se akareletsa Saule oa Tarsase. Pele a shoa o ile a kopa Jehova hore a ba tšoarele
Lik 16:22-34—Ha moapostola Pauluse a ne a le teronkong ka mor’a hore a shapuoe le ho tšoaroa hampe, o ile a tšoara molebeli oa teronko hantle ’me monna eo le ba lelapa la hae e ile ea e-ba Bakreste
Bakreste ba mehleng ea baapostola ba ile ba tšoaroa joang?
Re lokela ho ba le maikutlo afe ha re hlorisoa?
Tšepo eo re nang le eona e re thusa joang ha re hlorisoa?
Ke hobane’ng ha re sa lokela ho lumella batho ba re hlorisang hore ba re tšose, ba re nyahamise kapa ba etse hore re soabele lintho tseo re li lumelang hona ke hobane’ng ha re lokela ho tsoela pele re sebeletsa Jehova?
Ps 56:1-4; Lik 4:18-20; 2Ti 1:8, 12
Mehlala ea batho ba ka Bibeleng e ka u thusang:
2Kr 32:1-22—Ha Morena Sankeribe a ne a hlasela Jerusalema ka lebotho la hae le leholo, Morena Ezekiase o ile a tšepa Jehova a ba a khothatsa sechaba ’me ka lebaka leo o ile a hlohonolofatsoa
Heb 12:1-3—Batho ba neng ba hlorisa Jesu ba ne ba leka ho mo tlotlolla empa ha aa ka a lumella lintho tseo ba neng ba mo etsa tsona hore li mo nyahamise
Ke lintho life tse thabisang tse ka etsahalang ha re hlorisoa?
Re thabisa Jehova ebile re halaletsa lebitso la hae ha re mamella mahloriso
Mehlala ea batho ba ka Bibeleng e ka u thusang:
Job 1:6-22; 2:1-10—Jobo o ne a sa tsebe hore ke Satane ea neng a mo hlorisa, ho ntse ho le joalo o ile a tšepahalla Jehova. Ntho eo a ileng a e etsa e ile ea bontša hore Satane o leshano ’me ea halaletsa lebitso la Jehova
Dan 1:6, 7; 3:8-30—Hanania, Mishaele le Azaria (Shadrake, Meshake le Abednego) ba ne ba ikemiselitse ho shoa hobane ba batla ho mamela Jehova. Tumelo ea bona e ile ea etsa hore Morena Nebukadnezare a rorise Jehova
Batho ba bang ba ka batla ho ithuta ka Jehova ha ba bona re hlorisoa
Mehlala ea batho ba ka Bibeleng e ka u thusang:
Lik 11:19-21—Bakreste ba ileng ba tloha moo ba lulang ka lebaka la ho hlorisoa, ba ile ba tsoela pele ho bolela litaba tse monate libakeng tse ling tse ngata
Baf 1:12, 13—Moapostola Pauluse o ile a thaba ha a utloa hore batho ba bangata ba ithuta ka Jehova hobane ba utloile hore o koalletsoe teronkong ka lebaka la ho bolela litaba tse monate
Bakreste-’moho le rona ba ba le tumelo e matla ha ba bona re mamella ha re hlorisoa
Baeta-pele ba bolumeli le bo-ralipolotiki ba etsa’ng e le hore Bakreste ba hlorisoe?
Jer 26:11; Mar 3:6; Joh 11:47, 48, 53; Lik 25:1-3
Mehlala ea batho ba ka Bibeleng e ka u thusang:
Lik 19:24-29—Batho ba Efese ba neng ba etsa le ho rekisa litšoantšo tse neng li sebelisoa borapeling ba bohata, ba ile ba hlorisa Bakreste hobane ba re molaetsa oa bona o tla senya khoebo ea bona
Gal 1:13, 14—Pele Pauluse e e-ba Mokreste, o ile a hlorisa Bakreste hobane a ne a chesehela bolumeli ba Bojuda