Temana ea Selemo ea 2012

“Lentsoe la hao ke ’nete.”—JOHANNE 17:17.

Ka sebele rea leboha hore ebe Ntate oa rōna ea lerato ea leholimong o re senoletse ’nete! Lentsoe la hae le re bontša tsela e molemo ka ho fetisisa ea ho phela le hore na re ka rua molemo ka botlalo joang bophelong. Lea re sireletsa e le hore re se ke ra lelekisa lintho tsa lefeela le tse kotsi, le re lokolla litlamong tsa mashano a bolumeli, ’me le etsa hore re ikutloe re e-na le khotso ea sebele. Le re thusa hore hona joale re phele ka tsela e nang le morero ’me le re tšepisa bokamoso bo hlollang.

’Nete e re kopanya le barab’abo rōna ba limilione lefatšeng ka bophara. Ntho ea bohlokoa ka ho fetisisa ke hore ’nete ea Bibele e re ruta ka Jehova ebile e re bontša tsela eo ka eona re ka atamelang ho eena. Le ka mohla re se ke ra halala seo Jehova a re fileng sona. E se eka re ka ananela ’nete ’me ea re tataisa litseleng tsohle tsa rōna.