Cha Pili cha Samweli

9 Kisha Daudi akasema: “Je, kungali mutu fulani wa nyumba ya Sauli mwenye ninaweza kuonyesha upendo mushikamanifu kwa ajili ya Yonatani?”+ 2 Sasa kulikuwa mutumishi wa nyumba ya Sauli mwenye aliitwa Siba.+ Kwa hiyo wakamuita akuje kwa Daudi, na mufalme akamuuliza: “Wewe ni Siba?” Akajibu: “Mimi ni mutumishi wako.” 3 Mufalme akaendelea kusema: “Je, kungali mutu fulani wa nyumba ya Sauli mwenye ninaweza kuonyesha upendo mushikamanifu wa Mungu?” Siba akamujibu mufalme: “Kungali mwana mumoja wa Yonatani; ni kilema wa miguu yote mbili.”+ 4 Mufalme akamuuliza: “Iko* wapi?” Siba akamujibu mufalme: “Iko* katika nyumba ya Makiri+ mwana wa Amieli kule Lo-debari.”

5 Mara moja Mufalme Daudi akamuitisha na akamutosha katika nyumba ya Makiri mwana wa Amieli kule Lo-debari. 6 Wakati Mefibosheti mwana wa Yonatani mwana wa Sauli alifika mbele ya Daudi, mara moja akaanguka uso chini na kuinama uso chini. Kisha Daudi akasema: “Mefibosheti!” naye akajibu: “Mimi huyu mutumishi wako.” 7 Daudi akamuambia: “Usiogope, kwa maana hakika nitakuonyesha upendo mushikamanifu+ kwa ajili ya Yonatani baba yako, na nitakurudishia udongo wote wa Sauli babu yako, na utakula chakula* kwenye meza yangu sikuzote.”+

8 Basi akainama uso chini na kusema: “Mutumishi wako ni nani, hivi kwamba umegeuza uangalifu* wako kuelekea imbwa mwenye kufa+ kama mimi?” 9 Sasa mufalme akamuitisha Siba, mutumishi wa Sauli, na akamuambia: “Kila kitu chenye kilikuwa cha Sauli na cha nyumba yake yote ninamupatia mujukuu wa bwana wako.+ 10 Utalima udongo kwa ajili yake⁠—​wewe na wana wako na watumishi wako⁠—​na mutakusanya mavuno ya udongo huo ili watu wa mujukuu wa bwana wako wapate chakula. Lakini Mefibosheti, mujukuu wa bwana wako, atakula chakula kwenye meza yangu sikuzote.”+

Sasa Siba alikuwa na wana kumi na tano (15) na watumishi makumi mbili (20).+ 11 Basi Siba akamuambia mufalme: “Mutumishi wako atafanya mambo yote yenye bwana wangu mufalme anaamuru mutumishi wake afanye.” Kwa hiyo Mefibosheti akakuwa anakula kwenye meza ya Daudi* kama mumoja wa wana wa mufalme.” 12 Sasa Mefibosheti pia alikuwa na kijana mwanaume mwenye aliitwa Mika;+ na watu wote wenye waliishi katika nyumba ya Siba wakakuwa watumishi wa Mefibosheti. 13 Na Mefibosheti aliishi Yerusalemu, kwa maana sikuzote alikula kwenye meza ya mufalme;+ na alikuwa kilema wa miguu yote mbili.+