Cha Pili cha Mambo ya Nyakati

15 Sasa roho ya Mungu ikakuja juu ya Azaria mwana wa Odedi. 2 Basi akatoka kuenda kukutana na Asa na akamuambia: “Munisikie, Ee Asa na Yuda yote na Benyamini! Yehova iko* pamoja na ninyi wakati wote wenye munaendelea kuwa pamoja naye;+ na kama munamutafuta, atajiacha mumupate,+ lakini kama munamuacha yeye, atawaacha ninyi.+ 3 Kwa wakati murefu* Israeli hawakukuwa na Mungu wa kweli, hawakukuwa na kuhani mwenye kufundisha, na hawakukuwa na sheria.+ 4 Lakini wakati walikuwa katika taabu yao na wakamurudilia Yehova Mungu wa Israeli na kumutafuta, alijiacha wamupate.+ 5 Nyakati hizo hakuna mutu yeyote mwenye angeweza kusafiri kwa usalama,* kwa maana kulikuwa musukosuko mukubwa kati ya wakaaji wote wa inchi mbalimbali. 6 Taifa lilikuwa linapondwa na taifa lingine na muji mumoja ulikuwa unapondwa na muji mwingine, kwa sababu Mungu aliendelea kuwatia katika muchafuko pamoja na kila namna ya taabu.+ 7 Lakini ninyi, mukuwe na nguvu na musivunjike moyo,*+ kwa maana kazi yenu itapewa zawabu.”

8 Wakati tu Asa alisikia maneno hayo na unabii wa Odedi nabii, akajipatia uhodari na akaondoa sanamu zenye kuchukiza katika inchi yote ya Yuda+ na Benyamini na katika miji yenye alikuwa amekamata katika eneo lenye milima la Efraimu, na akajenga upya mazabahu ya Yehova yenye ilikuwa mbele ya baraza la Yehova.+ 9 Na akakusanya pamoja Yuda yote na Benyamini na wakaaji wageni wenye walikuwa pamoja nao kutoka Efraimu na Manase na Simeoni,+ kwa maana walikuwa wamekimbia na kuja kwake kwa wingi kutoka Israeli wakati waliona kwamba Yehova Mungu wake alikuwa pamoja naye. 10 Basi wakakusanywa pamoja Yerusalemu katika mwezi wa tatu (3) wa mwaka wa kumi na tano (15) wa utawala wa Asa. 11 Katika siku hiyo walimutolea Yehova zabihu kutoka katika vitu vyenye vilichukuliwa katika vita vyenye walikuwa wameleta, ngombe mia saba (700) na kondoo elfu saba (7 000). 12 Zaidi ya hayo, wakaingia katika agano ili kumutafuta Yehova Mungu wa mababu zao kwa moyo wao wote na kwa nafsi* yao yote.+ 13 Mutu yeyote mwenye hangemutafuta Yehova Mungu wa Israeli alipaswa kuuawa, akuwe mudogo ao mukubwa, mwanaume ao mwanamuke.+ 14 Basi wakafanya kiapo kwa Yehova kwa sauti kubwa, pamoja na vigelegele vya shangwe, na pamoja na tarumbeta na pembe. 15 Na Yuda wote wakafurahi kwa sababu ya kiapo hicho, kwa maana walikuwa wameapa kwa moyo wao wote na walimutafuta kwa bidii naye akajiacha wamupate,+ na Yehova akaendelea kuwapatia pumuziko pande zote.+

16 Mufalme Asa aliondoa hata Maaka+ tate* yake mwanamuke kutoka kwenye cheo chake cha malkia mama ya mufalme,* kwa sababu alikuwa ametengeneza sanamu chafu kwa ajili ya ibada ya muti mutakatifu.*+ Asa akakata sanamu yake chafu na akaiponda-ponda na kuiteketeza kwa moto katika Bonde la Kidroni.+ 17 Lakini mahali pa juu hapakuondolewa+ katika Israeli.+ Hata hivyo, moyo wa Asa ulikuwa kamili* maisha yake yote.*+ 18 Na alileta vitu vyenye yeye na baba yake walikuwa wamefanya kuwa vitakatifu katika nyumba ya Mungu wa kweli⁠—​feza, zahabu, na vyombo mbalimbali.+ 19 Hapakukuwa vita mupaka mwaka wa makumi tatu na tano (35) wa utawala wa Asa.+