Zaburi

2 Sababu gani mataifa yako na musukosuko

Na vikundi vya watu vinasema kwa sauti ya chini-chini* jambo lenye halina maana?+

 2 Wafalme wa dunia wanajipanga

Na maofisa wakubwa wanakusanyika* pamoja kama mutu mumoja+

Ili kumupinga Yehova na ili kumupinga mutiwa-mafuta wake.*+

 3 Wanasema: “Tukate pingu zao

Na kutupa kamba zao!”

 4 Ule mwenye kukaa akiwa mufalme kule mbinguni atacheka;

Yehova atawachekelea.

 5 Wakati huo atasema nao katika kasirani yake

Na kuwaogopesha sana katika kasirani yake yenye kuwaka,

 6 Kwa kusema: “Mimi mwenyewe nimemuweka mufalme wangu+

Juu ya Sayuni,+ mulima wangu mutakatifu.”

 7 Muache nitangaze agizo la Yehova;

Aliniambia: “Wewe ni mwana wangu;+

Leo nimekuwa baba yako.+

 8 Uniombe, na nitakupatia mataifa kuwa uriti wako

Na miisho ya dunia kuwa mali yako.+

 9 Utawavunja kwa fimbo ya ufalme ya chuma,+

Na utawavunja-vunja kama chombo cha udongo.”+

10 Basi sasa, ninyi wafalme, muonyeshe ufahamu;

Mukubali kurekebishwa,* ninyi waamuzi wa dunia.

11 Mumutumikie Yehova kwa woga,

Na mushangilie mukitetemeka.

12 Mumuheshimie* mwana,+ kama hamufanye vile Mungu* atakasirika sana

Na ninyi mutaangamia kutoka katika njia,+

Kwa maana kasirani Yake inawaka haraka.