Kwa Wagalatia
6 Ndugu, hata kama mutu anafanya hatua fulani ya mubaya mbele ajue jambo hilo, ninyi wenye muko na sifa za kustahili kiroho mujaribu kumurekebisha upya mutu huyo kwa roho ya upole.+ Lakini endelea kujiangalia wewe mwenyewe,+ ili wewe pia usijaribiwe.+ 2 Muendelee kubebeana mizigo mizito,+ na kwa njia hiyo mutatimiza sheria ya Kristo.+ 3 Kwa maana kama mutu yeyote anawaza yeye ni kitu wakati yeye haiko kitu,+ anajidanganya yeye mwenyewe. 4 Lakini kila mutu achunguze matendo yake mwenyewe,+ kisha atakuwa na sababu ya kufurahi juu yake yeye mwenyewe, na hapana kwa kujilinganisha na mutu mwingine.+ 5 Kwa maana kila mutu atabeba muzigo* wake mwenyewe.+
6 Zaidi ya hayo, mutu yeyote mwenye anafundishwa* neno ashiriki katika mambo yote mema pamoja na ule mwenye anatoa fundisho hilo.*+
7 Musidanganywe: Mungu haiko wa kuchekelewa. Kwa maana kitu chochote chenye mutu anapanda, ni kile atavuna pia;+ 8 kwa sababu ule mwenye anapanda kwa mwili wake atavuna uharibifu kutokana na mwili wake, lakini ule mwenye anapanda kwa roho, atavuna uzima wa milele kutokana na roho.+ 9 Basi tusiache kufanya mema, kwa maana kwa wakati wenye kufaa tutavuna kama hatuchoke kabisa.*+ 10 Kwa hiyo basi, wakati tungali na nafasi,* tutendee watu wote mambo ya muzuri, lakini zaidi sana wale wenye kuwa wa jamaa yetu katika imani.
11 Muone kwamba nimewaandikia ninyi kwa herufi kubwa-kubwa kwa mukono wangu mwenyewe.
12 Wale wote wenye wanataka kujionyesha kuwa wazuri katika mwili* ndio wenye wanajaribu kuwalazimisha ninyi mutahiriwe, na wanafanya vile ili tu waepuke kuteswa kwa ajili ya muti wa mateso* wa Kristo. 13 Kwa maana hata wale wenye wanatahiriwa, wao wenyewe hawashike Sheria,+ lakini wanataka mutahiriwe ili wakuwe na sababu ya kujisifu juu ya mwili wenu. 14 Lakini mimi sitajisifu hata kidogo, isipokuwa katika muti wa mateso* wa Bwana wetu Yesu Kristo,+ mwenye kupitia yeye ulimwengu umeuawa* kuhusiana na mimi, na mimi kuhusiana na ulimwengu. 15 Kwa maana kutahiriwa haiko kitu wala kutokutahiriwa,+ lakini kiumbe kipya ndicho kitu.+ 16 Na kwa wale wote wenye wanatembea kwa utaratibu kwa kufuata kanuni hii ya mwenendo, juu yao kukuwe amani na rehema, ndiyo, juu ya Israeli wa Mungu.+
17 Kuanzia sasa na kuendelea mutu yeyote asiniletee taabu, kwa maana ninabeba kwenye mwili wangu alama za mutumwa wa Yesu.+
18 Ndugu, fazili zenye hazistahiliwe za Bwana wetu Yesu Kristo zikuwe pamoja na roho yenye munaonyesha. Amina.