Kumbukumbu la Torati
15 “Kwenye mwisho wa kila miaka saba (7), munapaswa kuachilia.+ 2 Haya ndiyo mambo yenye mutaachilia: Kila mwenye alikopesha ataachilia deni lenye jirani yake alikamata. Hapaswe kuomba malipo kwa jirani ao ndugu yake, kwa maana yatatangazwa kuwa yameachiliwa kwa ajili ya Yehova.+ 3 Unaweza kumuomba mugeni alipe,+ lakini unapaswa kuachilia deni lolote lenye ndugu yako anapaswa kukulipa. 4 Lakini, hakuna mutu kati yako mwenye anapaswa kuwa maskini, kwa sababu hakika Yehova atakubariki+ katika inchi yenye Yehova Mungu wako anakupatia ili uikamate kuwa uriti, 5 lakini kama tu utatii kabisa sauti ya Yehova Mungu wako na kushika kwa uangalifu amri yote hii yenye ninakupatia leo.+ 6 Kwa maana Yehova Mungu wako atakubariki kama vile amekuahidi, na utakopesha* mataifa mengi, lakini wewe hautahitaji kukopa;+ na utatawala mataifa mengi, lakini hayatakutawala.+
7 “Kama mumoja wa ndugu zako anakuwa maskini kati yako katika muji mumoja kati ya miji ya inchi yenye Yehova Mungu wako anakupatia, usifanye moyo wako kuwa mugumu ao kumufungia mukono ndugu yako maskini.+ 8 Kwa maana unapaswa kumufungulia mukono wako kwa ukarimu+ na usikose kumukopesha* chochote chenye anahitaji ao chenye anakosa. 9 Ukuwe muangalifu ili wazo hili la mubaya lisikuwe katika moyo wako, ‘Mwaka wa saba (7), mwaka wa kuachilia, umekaribia,’+ na hivyo ukatae kumuonyesha ukarimu ndugu yako maskini na kukosa kumupatia chochote. Kama anamulilia Yehova kwa sababu yako, utakuwa umetenda zambi.+ 10 Unapaswa kumupatia kwa ukarimu,+ na haupaswe* kumupatia kwa kunungunika, kwa maana hiyo ndiyo sababu Yehova Mungu wako atabariki kila tendo na kila kazi yako.+ 11 Kwa maana maskini atakuwa sikuzote katika inchi.+ Ndiyo sababu ninakuamuru, ‘Unapaswa kumufungulia mukono wako kwa ukarimu ndugu yako mwenye kuteseka na maskini katika inchi yako.’+
12 “Kama mumoja wa ndugu zako, mwanaume ao mwanamuke Mwebrania, anauzishwa kwako na amekutumikia miaka sita (6), basi katika mwaka wa saba (7) unapaswa kumuachilia huru.+ 13 Na kama unamuachilia huru, usimuache aende mikono wazi. 14 Unapaswa kumupatia kwa ukarimu kitu fulani kutoka katika kundi lako, kutoka katika kiwanja chako cha kupigia-pigia nafaka, na kutoka katika kikamulio chako cha mafuta na divai. Unapaswa kumupatia kama vile Yehova Mungu wako amekubariki. 15 Kumbuka kwamba ulikuwa mutumwa katika inchi ya Misri na kwamba Yehova Mungu wako alikukomboa. Ndiyo sababu ninakuamuru ufanye vile leo.
16 “Lakini kama anakuambia, ‘Sitakuacha!’ kwa sababu anakupenda wewe na nyumba yako, kwa maana amekuwa mwenye furaha wakati amekuwa pamoja na wewe,+ 17 utakamata musumari na kutoboa sikio lake mupaka musumari huo uingie katika mulango, na atakuwa mutumwa wako maisha yake yote. Utamufanyia vilevile mutumwa wako mwanamuke. 18 Usione kuwa vigumu wakati unamuachilia huru na wakati anakuacha, kwa sababu malipo ya kazi yenye alikutumikia miaka sita (6) yalikuwa mara mbili malipo ya kazi ya mufanyakazi wa kulipwa, na Yehova Mungu wako amekubariki katika kila jambo lenye lilifanywa.
19 “Unapaswa kutakasa kila muzaliwa wa kwanza wa kiume wa mifugo yako na wa kundi lako kwa ajili ya Yehova Mungu wako.+ Haupaswe kutumia muzaliwa wa kwanza wa mifugo yako* ili kufanya kazi yoyote wala usimukate manyoya muzaliwa wa kwanza wa kundi lako. 20 Wewe na nyumba yako munapaswa kumukula mbele ya Yehova Mungu wako mwaka kwa mwaka mahali kwenye Yehova atachagua.+ 21 Lakini kama iko* na kasoro—ulemavu, upofu, ao kasoro ingine kubwa—haupaswe kumutoa zabihu kwa Yehova Mungu wako.+ 22 Utamukula ndani ya miji yako,* mutu mwenye haiko safi na mwenye iko* safi watamukula, kama vile ingekuwa swala ao paa.+ 23 Lakini haupaswe kula damu yake;+ utaimwanga kwenye udongo kama maji.+