MAMBO YA KUFANYA WAKATI BITU BINAPANDA BEI

Utumikishe Makuta Yako Muzuri

Wakati bitu binapanda bei, haikuwake mwepesi kwetu siye bote. Lakini usiogope, kuko mambo yenye unaweza kufanya juu uishi muzuri.

JUU YA NINI NI JAMBO YA MAANA KUTUMIKISHA MAKUTA YAKO MUZURI

Kama haujikaze kutumikisha makuta yako muzuri, ile inaweza kukuletea shida za mingi. Hata kama tuko na makuta kidogo, kuko mambo yenye unaweza kufanya juu uweze kutumikisha makuta yako muzuri.

MAMBO YENYE UNAWEZA KUFANYA

Usitumikishe makuta ya mingi kupita yenye unapataka. Ukifanya vile, ile itakusaidia utulie na ukuwe na makuta yenye inaweza kusaidia kama jambo yenye haukuwazia inakufikia.

Nini njo itakusaidia usitumikishe makuta ya mingi kupita yenye unapataka? Ukuwe naandika makuta yenye unapataka na namna unapanga kuitumikisha. Na kama makuta yenye unapataka inabadilika ao bei ya bitu inabadilika, ubadilishe pia namna unapanga kutumikisha makuta yako. Wakati uko nafikiria namna utatumikisha makuta yako, andika tu mambo yenye uko nayo lazima kabisa. Kisha ujikaze kutumikisha makuta yako vile ulipanga. Kama uko na bibi ao bwana, ni muzuri mufanye ile mipango yote pamoya.

Pima kufanya hivi: Kuliko kununua bitu ku deni, uza na makuta yako. Batu fulani bameona kama kufanya vile inabasaidiaka kutumikisha makuta muzuri na kuepuka madeni. Tena, kama uko na konte ku banke, kamata wakati ya kujua ni makuta ngapi uliweka mu banke, na ni ngapi ulitosha. Ile itakusaidia usishituke wakati utajua makuta yenye unabakia nayo.

Inaweza kuwa nguvu kuepuka kutumikisha makuta ya mingi kupita yenye unapataka. Lakini kama unapanga muzuri bitu byenye unapenda kuuza, ile itakusaidia na hautakuwa nahangaikia sana mambo ya makuta.

“Hesabia garama.”—Luka 14:28.

Usicheze na kazi. Ni mambo gani njo unaweza kufanya juu usipoteze kazi yako? Kwa mufano: Usikuwe nafika nyuma ku kazi. Upende kazi yako. Ukuwe na roho ya kusaidia mu kazi, na utumike nguvu. Ukuwe na heshima. Ufuate sheria za mu kazi, na ujikaze kuwa mufanya kazi muzuri zaidi.

Epuka kucheza na makuta. Ujiulize hivi: ‘Nakuwaka na zoezi ya kuuza bitu byenye sina nabyo lazima ao niko na tabia zenye zinaacha makuta yangu ipotee bure?” Batu bamingi banatumikaka nguvu sana juu ya kupata makuta lakini kisha banaharibisha ile makuta mu bitu sawa vile droge, pombe ya mingi, kuvuta tumbako, na kucheza michezo ya makuta. Tena, tabia za vile zinaweza kuharibisha afya ya mutu na kufanya apoteze hata kazi.

“Mwenye furaha ni mutu mwenye anapata hekima . . . Kupata hekima ni muzuri kuliko kupata feza.”—Mezali 3:13, 14.

Ukuwe naweka makuta kidogo juu mutu hajuwake. Kama inawezekana, ukuwe naweka makuta kidogo yenye inaweza kukusaidia weye na familia yako kama mambo yenye haukuwazia inatokea, kwa mufano kama mutu anagonjwa, ao unapoteza kazi, ao kama kitu ingine yenye haukuwazia inatokea.

“Wakati na matukio yenye hayatazamiwe [yanatufikia siye] wote.”—Muhubiri 9:11.

Mambo Yenye Inaweza Kukusaidia Kuweka Makuta

Ukuwe najipikia chakula.

Mutu anaweza kutumikisha makuta ya mingi sana kama anazoea kula mu restora ao kununua chakula yenye ilisha kupikiwa, ao bya kunywa. Hata kama haikuwake teketeke kujipikia na inakamataka wakati, ile inaweza kukusaidia uchunge makuta. Na ile itakusaidia ujue ni chakula ya namna gani njo uko nakula.

Tumikisha akili wakati uko nanunua bitu.

Fanya liste ya bitu byenye utanunua na ujikaze kuifuata. Usikuwe nanunua kitu juu tu unakiona.
Kama uko na makuta ya mingi, ni muzuri kuuza bitu bya mingi juu unaweza kubiuza ku bei ya kulangula. Lakini, mbele ya kununua bitu bya mingi byenye binaharibikaka mbio, uhakikishe kama uko na namna ya kubiweka.
Kuliko kununua kitu kya bei kali, tafuta modele ingine ya kile kitu lakini kyenye kinatumika muzuri.
Kama inawezekana, nunulia bitu ku Enternete juu unaweza kupata bitu bya bei ya muzuri, na kwa kufanya vile utaepuka kuenda ku soko kwenye unaweza kununua kitu kyenye haukupanga kununua. Kununua bitu ku Enternete itakusaidia pia ukuwe mwangalifu na namna uko natumikisha makuta. Kama kwenye unaishi inawezekana kununua bitu ku Enternete, unaweza kupima kufanya vile?
Tafuta fasi kwenye bamepungunza bei ya bitu ao kwenye kuko bitu bya solde. Ukuwe unalinganisha bei juu uone kama kuko fasi ingine kwa bei chini, bila kusahau bei ya mayi ao ya courant.

Ufikiri sana mbele ya kununua modele ya sasa.

Batu benye banatengenezaka ma telefone na bitu bingine, banakuwaka natosha bitu bya mupya kila mara juu baendelee kuuzisha sana. Njo maana mbele ya kununua modele ya mupya ujiulize hivi: Ni lazima kabisa ninunue modele ya mupya? Niko nayo kabisa lazima sasa? Na hata kama inaomba ninunue modele ya sasa, inaomba ikuwe tu modele ya mwisho-mwisho?’

Tengeneza bitu byako na ubitumikishe tena.

Ukuwe nachunga bitu byako muzuri juu bisiharibike mbio. Na kama kitu kinaharibika, uone kama inawezekana kukitengeneza. Na kuliko kununua kitu kya mupya, uone kama inawezekana kununua kyenye kilisha tumikishwa lakini kingali mu hali ya muzuri.

Upande chakula.

Inawezekana upate fasi fulani kwenye unaweza kupanda chakula? Ile itasaidia musikuwe natumikisha makuta mingi ku chakula, na mupate chakula fulani ya kuuzisha ao ya kupatia bengine.

“Mipango ya wenye bidii hakika inaleta mafanikio.”—Mezali 21:5.

“Tunakuwaka nachunguza bei ya bitu byenye tunanunuaka sana na tunakuwaka baangalifu juu ya namna tuko natumikisha karte yetu ya banke.”—Miles, Angleterre.

“Mbele ya kuenda kununua bitu, miye na familia yangu tunaandikaka kwanza liste ya bitu byenye tuko nabyo lazima.”—Jeremy, Amerika

“Tunakuwaka nahakikisha kama tuko na uwezo ya kununua bitu byenye tungependa kununua, na tunawekaka makuta pembeni juu mambo yenye hatukuwazia inaweza kutokea.”—Yael, Israeli.

“Tunafundishaka batoto yetu kama ni muzuri kutengeneza kitu kama kinaharibika kuliko kuuza kya mupya, ikuwe gari ao bitu bingine bya mu nyumba. Miye na bibi yangu, tunaepukaka pia kununua modele ya mwisho-mwisho ya bitu.”—Jeffrey, Amerika

“Ninapandaka chakula na kufuga makuku, na ile inanisaidia nisitumikishe makuta ya mingi juu ya kununua chakula. Ninapataka hata chakula ya kugabulia bengine.”—Hono, Myanmar.

Mwanaume iko nachuma aina mbalimbali ya chakula mu shamba.