Ukuwe Napatia Bengine

JUU YA NINI NI JAMBO YA MAANA KUKUWA NAPATIA BENGINE

Wakati unapatia bengine, hata ka kitu kidogo, unakuwa na furaha na unajisikia muzuri. Banganga fulani banasema kama, kupatia bengine inakuwaka na matokeo ya muzuri juu ya afya yetu. Kwa mufano, inaweza kupunguza mahangaiko, kufanya tension isipande, na hata kupunguza maumivu ya mwili. Inaweza hata kusaidia mutu alale muzuri zaidi.

Kama tunazoea kusaidia bengine, kwa kubapatia makuta ao kubasaidia mu njia ingine, ile inaweza kufanya ikuwe mwepesi kwetu kukubali musaada wakati bengine banatusaidia. Howard, mwenye anaishi Angleterre, anasema hivi: “Juu miye na bibi yangu tunatafutaka namna ya kupatia bengine na kubasaidia, hatujisikiake mubaya wakati bengine banapenda kutusaidia.” Ni kweli kama, batu benye banakuwaka na roho ya kupatia bengine habafanyake vile juu tu banatumaini kama bengine nabo batabarudishia. Lakini benye banakuwaka na roho ya kupatia bengine banaweza kupata barafiki ba kweli benye batakuwa tayari kubasaidia saa yenye nabo biko na lazima ya musaada.

JAMBO YENYE UNAWEZA KUFANYA

Ugabulie bengine ku byenye uko nabyo. Hata kama uko na bitu bya kidogo, unaweza tu kupata kya kugabulia bengine. Inaweza hata kuwa chakula kidogo tu. Duncan na familia yake benye banaishi Uganda ni bamaskini sana, lakini biko na roho ya kupatia bengine. Duncan anasema hivi: “Siku ya yenga, miye na bibi yangu tunazoea kualika mutu fulani ku nyumba juu tukule naye chakula kidogo. Tunafurahiaka kupitisha wakati pamoya na bengine.”

Lakini, wakati unapatia bengine, inaomba ukuwe na kiasi. Haifae ubapatie bitu byote mupaka familia yako ikose mambo yenye iko nayo lazima.—Yobu 17:5.

Pima kufanya hivi: Upatie mutu fulani chakula ao hata kitu ya kunywa. Kama uko na bitu byenye hauna nabyo lazima, unaweza kubipatia rafiki yako ao jirani mwenye iko nabyo lazima na mwenye atabifurahia.

Usaidie batu mu njia ingine. Kunakuwaka mambo ya muzuri yenye tunaweza kupatia bengine yenye haiombe makuta. Kwa mufano, tunaweza kutumikisha wakati yetu juu ya kusaidia bengine na kubasikiliza. Hata maneno ya muzuri yenye tunaambia bengine inaweza kuwa zawadi! Njo maana ukuwe naambia bengine kama unabapenda na unabaona kuwa ba maana.

Pima kufanya hivi: Usaidie bengine kufanya makazi ya mu nyumba, kutengeneza kitu fulani kya mu nyumba kama kinaharibika, ao kununua bitu. Andikia rafiki yako barua ao message mwenye muko maneno yenye inatoka ku roho; inaweza kuwa hata kumuambia tu kama unamukumbukaka.

Wakati unajikaza kusaidia bengine, maisha yako inakuwa ya furaha.