MAULIZO JUU YA HABARI ZA BIBLIA YANAJIBIWA

Mutu anaweza kufanya nini ili akuwe muzazi muzuri?

Baba na mutoto wake wanaangalia kerengende — Unafundisha mutoto wako kupenda Mungu?

Familia yenye kuwa na wazazi wenye kupendana na kuheshimiana ni mahali pazuri sana pa kukomalishia watoto. (Wakolosai 3:14, 19) Wazazi wazuri wanapenda watoto wao na wanawapongeza, kama vile Yehova alipongeza Mwana wake.—Soma Mathayo 3:17.

Baba yetu wa mbinguni anasikiliza watumishi wake, na anahangaikia namna wanajisikia moyoni. Ni muzuri wazazi wafuate mufano wake na wasikilize watoto wao. (Yakobo 1:19) Hawapaswe kuzarau mawazo ya watoto wao, hata wakati wanasema mubaya.—Soma Hesabu 11:11, 15.

Unaweza kufanya nini ili watoto wako wakuwe wenye kutumainika?

Wewe muzazi, uko na mamlaka ya kuwekea watoto wako sheria. (Waefeso 6:1) Ufuate mufano wa Mungu. Anapenda watoto wake kwa sababu anawaonyesha wazi sheria zake na matokeo yenye wanaweza kupata ikiwa hawatii sheria hizo. (Mwanzo 3:3) Halazimishe watu watii sheria zake, lakini anawaonyesha ni faida gani watapata ikiwa wanafanya mambo ya muzuri.—Soma Isaya 48:18, 19.

Ufanye mupango wa kusaidia watoto wako wamupende Mungu. Hilo litawasaidia watende kwa hekima hata kama hauko pamoja nao. Kama vile Yehova anafundisha kupitia mufano wake, wewe pia ufundishe watoto wako kupitia mufano wako.—Soma Kumbukumbu la Torati 6:5-7; Waefeso 4:32; 5:1.

Ili kupata habari zingine, soma sura ya 14 ya kitabu hiki, kilichochapishwa na Mashahidi wa Yehova

Unaweza pia kupata kitabu hiki kwenye adresi yetu ya Internete www.jw.org