Majibu ya maulizo yenu
◼ je! wewe umetayarishwa kwa ajili ya hali ya haraka?
Katika ulimwengu wa sasa, ‘wakati na tukio lisilotazamiwa’ mara nyingi huungana ili kutokeza hali ya haraka ya kitiba, kutia ndani mkazo wa kutiwa damu mishipani. (Muh. 9:11) Ili kujitayarisha kwa ajili ya jambo hilo linaloweza kutukia, Yehova ameandaa msaada kwa njia nyingi kupitia tengenezo lake, lakini yeye anatazamia sisi tutimize fungu letu. Hapa chini kuna orodha ya mambo yanayoweza kukusaidia.
• Wakati wote, chukua kadi ya kisasa Instructions médicales/Pas de sang.
• Hakikisha kwamba watoto wako wanachukua kadi ya utambulisho ya kisasa.
• Rudilia nyongeza ya Huduma Yetu ya Ufalme ya Mei 1995, ukijizoeza jinsi ya kufikiri na madaktari na mahakimu kuhusu matunzo ya mtoto wako.
• Rudilia makala kuhusu visehemu vya damu na dawa zinazoweza kutumiwa badala ya damu. (Mapendekezo: Mnara wa Mlinzi, Oktoba 1, 1994, ukurasa 31; Juni 1, 1990, kurasa 30-1; Machi 1, 1989, kurasa 30-1; Amkeni!, Desemba 8, 1994, kurasa 23-7; Agosti 8, 1993, kurasa 22-5; Novemba 22, 1991, ukurasa 10; na nyongeza za Huduma Yetu ya Ufalme, Mei 1995 na Mei 1994. Chunga hayo katika faili ambako zinaweza kufikiwa kwa urahisi.)
• Amua kwa kusukumwa na dhamiri ikiwa unaweza kukubali matumizi ya mashine zenye kutembeza damu nje ya mwili au ikiwa unaweza kukubali dawa zenye kuwa na visehemu vya damu.
• Kabla ya kwenda kwenye hospitali, ikiwa inawezekana kwa vyovyote, julisha wazee kusudi waweze kukutegemeza na kuona Halmashauri ya Uhusiano na Hospitali (HUH) ikiwa jambo hilo lahitajiwa. Katika kisa cha mtoto mdogo, omba wazee wajulishe HUH mapema.
Fanya kukataa damu kwako kuwe wazi: Ripoti zinaonyesha kwamba ndugu na dada fulani hungoja dakika ya mwisho ili kujulisha madaktari wenye kuwatunza kwamba hawataki damu. Hilo ni jambo lisilofaa kwa waganga na linakuweka katika hatari ya kutiwa damu mishipani. Ikiwa madaktari wanajua kwamba imani zako na mambo unayotaka vinategemezwa na hati zenye kutiwa sahihi ambazo huonyesha mwongozo wako maalumu, hilo linawasaidia kufanya mambo bila kukawia na mara nyingi linawatolea chaguo la ziada la matunzo ya kitiba yasiyotumia damu.
Kwa kuwa hali ya haraka ya kitiba inaweza kutukia wakati wowote, mara nyingi wakati usipoitazamia, chukua hatua sasa ili kujilinda mwenyewe na kulinda watoto wako msitiwe damu mishipani.—Mez. 16:20; 22:3.