Yosia Alikuwa na Marafiki Wazuri

Unawaza ni mwepesi kufanya mambo mazuri?— Watu wengi wanawaza kama haiko mwepesi kufanya mambo mazuri. Katika Biblia muko hadisi ya kijana moja anayeitwa Yosia. Haikuwa mwepesi kwake kufanya mambo mazuri. Lakini Yosia alikuwa na marafiki wazuri wenye walimusaidia kufanya mambo mazuri. Ni vizuri tuzungumuze sasa juu ya Yosia na marafiki wake.

Baba ya Yosia anaitwa Amoni. Amoni alikuwa mufalme wa Yuda. Alikuwa anafanya mambo mabaya sana na alikuwa anaabudu masanamu. Wakati baba ya Yosia alikufa, Yosia akakuwa mufalme wa Yuda. Lakini alikuwa tu na miaka munane wakati alianza kutawala! Unawaza Yosia alikuwa mufalme mubaya kama baba yake?— Yosia alikuwa mufalme muzuri!

Yosia alipenda kumutii Yehova hata wakati alikuwa kijana mudogo sana. Kwa hiyo, alichagua kufanya urafiki tu na watu wenye kumupenda Yehova. Na wale marafiki walimusaidia Yosia kufanya mambo mazuri. Unajua marafiki fulani wa Yosia?

Sefania alikuwa rafiki wa Yosia. Sefania ni nabii mwenye aliwaambia watu wa Yuda hivi: ‘Ikiwa munaendelea kuabudu masanamu, mambo mabaya yatawapata.’ Yosia alisikiliza maneno ya Sefania. Alimuabudu Yehova, wala hakuabudu masanamu.

Yeremia alikuwa pia rafiki wa Yosia. Yosia na Yeremia walikuwa karibu na miaka moja ya kuzaliwa. Na walikomalia fasi moja. Wakati Yosia alikufa, Yeremia aliandika wimbo wa pekee ili kuonyesha huzuni yake juu ya kifo cha Yosia. Ile inaonyesha kama walikuwa marafiki waliopendana. Yeremia na Yosia walisaidiana ili kumutii Yehova na kufanya mambo mazuri.

Mufano wa Yosia unakufundisha nini?— Hata wakati Yosia alikuwa kijana mudogo sana, alipenda kufanya mambo mazuri. Alijua kama ni vizuri sana kuwa na marafiki wenye kumupenda Yehova. Wakati unachagua marafiki, fanya angalisho. Chagua marafiki wenye kumupenda Yehova. Marafiki wenye kumupenda Yehova watakusaidia kufanya mambo mazuri!