Jinsi ya Kuhubiri Katika Eneo la Biashara
1 Je, ungependa kuhubiri katika eneo ambamo watu wanakaribisha wageni kwa kawaida na unamoweza kukutana na watu kwa kawaida? Unaweza kufanya hivyo hata katika eneo la kutaniko lenu. Jinsi gani? Kwa kutembelea watu katika maduka yanayopatikana kwenye eneo hilo. Wahubiri wanaotoa ushahidi duka kwa duka mara nyingi wanapata matokeo mazuri.
2 Makutaniko fulani yamegawiwa eneo lenye kutia ndani mitaa ya biashara. Ndugu anayeshughulikia mambo ya eneo la kutaniko anaweza kutayarisha kadi za pekee (S-12) kwa ajili ya maeneo hayo yenye shughuli nyingi za kibiashara. Kadi zozote zinazoonyesha maeneo yanayokaliwa na watu, ambayo yanatia ndani mitaa ya biashara, zinapaswa kuonyesha waziwazi kwamba mitaa ya biashara haipaswi kuchanganyishwa na sehemu ya eneo hilo linalokaliwa na watu, maeneo hayo ya biashara yatembelewe kibinafsi. Katika maeneo mengine, maduka yanaweza kutembelewa wakati uleule wa kutembelea nyumba za wakaaji wengine. Ikiwa haujatoa kamwe ushahidi katika eneo la biashara, jaribu kwa kuhubiri katika maduka madogo-madogo.
3 Tumia Utoaji Rahisi: Unapohubiri duka kwa duka, ni jambo la maana kuvaa kama vile ungefanya wakati wa mkutano kwenye Jumba la Ufalme. Ni vizuri pia kuchagua wakati ambapo duka si lenye kuwa na watu wengi. Ikiwezekana, ingia wakati ambapo hakuna mnunuaji hata moja mwenye kungoja kushughulikiwa. Omba ruhusa ya kuongea na msimamizi au mwenye duka. Sema mambo kwa kifupi na moja kwa moja. Unaweza kusema nini?
4 Unapoongea na mwenye duka au msimamizi, unaweza kusema hivi: “Wafanya biashara wana shughuli nyingi sana hivi kwamba ni vigumu kuwakuta nyumbani, kwa hiyo tunawatembelea mahali penu pa kazi. Magazeti yetu yanaonyesha maana ya matukio ya ulimwenguni pote kuhusu wakati huu.” Kisha kazia jambo moja kwa ufupi katika gazeti moja.
5 Au unaweza kujaribu utoaji rahisi kama huu: “Watu wengi wangependa kujua mengi zaidi kuhusu Biblia lakini wana wakati mdogo sana. Trakti hii inaeleza namna ya kujifunza Biblia bila malipo, funzo linaloweza kukusaidia kupata majibu kwa maulizo yako ya Biblia.” Kisha onyesha ukurasa wa 4-5 wa trakti Je, Ungependa Kujua Mengi Zaidi Kuhusu Biblia?
6 Ikiwa msimamizi wa duka anaonekana kuwa na kazi nyingi, unaweza tu kumtolea trakti na kusema: “Nitarudi tena wakati utakapokuwa hauna kazi nyingi. Ningependa kujua yale unayofikiri kuhusu trakti hii.”
7 Kuchochea Kupendezwa Kulikoonyeshwa: Unaweza hata kuongoza funzo la Biblia katika eneo la biashara. Painia wa pekee mmoja alikuwa akitolea mfanya biashara magazeti kwa ukawaida. Mtu huyo alipoonyesha kupendezwa kuhusu yale aliyokuwa akisoma, painia akamwonyesha namna ya kujifunza Biblia, kwa kutumia broshua Anataka. Funzo lilianzishwa moja kwa moja mahali hapo pa kazi pa mtu huyo. Akifikiria hali, painia alikadiria funzo kwa dakika 10 au 15 kila mara. Hivyohivyo, sisi na tuendelee kutafuta wale wanaostahili kwa kutoa ushahidi katika eneo la biashara.
[Maulizo ya Funzo]
1. Ni faida fulani gani zinazotokana na kutoa ushahidi katika eneo la biashara?
2. Kutoa ushahidi katika eneo la biashara kunaweza kupangwaje?
3. Ni nini kitakachotusaidia kuwa wenye matokeo tunapotoa ushahidi duka kwa duka?
4-6. Tunaweza kusema nini tunapotoa ushahidi kwa mwenye duka au msimamizi?
7. Tunawezaje kusitawisha kupendezwa kwa watu tunaokutana nao katika eneo la biashara?