DVD: Nguvu ya Biblia Katika Maisha Yako (La Bible : une force dans votre vie)

Biblia imesaidia mamilioni ya watu wabadilishe maisha zao. Ni kanuni fulani gani za Biblia ambazo, tukizitumia zitatusaidia tupambane na matatizo ya siku zetu? Bila shaka utafurahi kupata jibu ya ulizo hilo kupitia video La Bible : une force dans votre vie, ambayo ni video ya pili katika DVD yenye kichwa La Bible : un livre historique et prophétique. Kisha kutazama video hiyo, je unaweza kujibu maulizo yafuatayo?

(1) Kwa nini tunaweza kusema kwamba Biblia si kitabu kilichoandikwa tu vizuri? (Ebr. 4:12) (2) Ikiwa Biblia inaweza kusaidia watu wafanye maisha yao yawe mazuri, kwa nini wanadamu wana matatizo mengi? (3) Kichwa kikuu cha Biblia ni nini? (4) Ni maandiko gani ya Biblia yaliyotajwa katika video ambayo yanaweza kusaidia watu waliooana (a) wajue namna ya kuzungumza na (b) kuzuia hasira yao? (5) Namna gani maoni ya Kikristo kuhusu ndoa inafanya maisha ya familia yawe mazuri? (Efe. 5:28, 29) (6) Namna gani Yehova ametolea wazazi mfano mzuri? (Marko 1:9-11) (7) Namna gani wazazi wanaweza kufanya funzo la familia liwe lenye kupendeza? (8) Zaidi ya funzo la Biblia, ni jambo lingine gani ambalo Neno la Mungu linachochea wazazi kutolea watoto wao? (9) Namna gani mashauri ya Biblia yanaweza kusaidia familia ishinde matatizo ya uchumi (économie)? (10) Wakati zinapotumiwa, ni kanuni gani za Biblia zinazohusu usafi, dawa za kulevya, ulevi, na mikazo zinazosaidia kupunguza matatizo ya afya? (11) Ni ahadi gani za Biblia zinazoweza kututegemeza? (Ayu. 33:25; Zab. 145:16) (12) Namna gani mafundisho ya Neno la Mungu yamekusaidia wewe mwenyewe? (13) Namna gani unaweza kutumia video hii ili kusaidia watu wengine?