Unajitayarisha kwa Ajili ya Ukumbusho?

Ilikuwa tarehe 13, Mwezi wa Nisani Mwaka wa 33. Yesu alijua kwamba alibakia na mangaribi moja tu ya kupitisha na mitume wake. Angefanya nao Pasaka yake ya mwisho na kuanzisha jambo jipya, ni kusema Chakula cha Bwana cha Mangaribi. Kwa sababu tukio la maana kama hilo linaomba kujitayarisha muzuri, Yesu aliwatuma Petro na Yohana ili watayarishe mambo. (Luka 22:7-13) Kuanzia siku hiyo, ni lazima sana kila mwaka wakristo wenye wanapenda kufanya Ukumbusho wajitayarishe kwa ajili ya tukio hilo. (Luka 22:19) Ni mambo gani ya lazima tunapaswa kutayarisha kwa ajili ya Ukumbusho wenye tutafanya tarehe 3, Mwezi wa 4?

Namna wazee wanapaswa kujitayarisha:

Wakamate mipango ya kutayarisha Jumba la Ufalme ao mahali pengine penye kufaa kwa ajili ya Ukumbusho. Mahali pa kufanyia Ukumbusho panapaswa kuwa na viti vya kutosha, mwangaza na hewa ya muzuri. Watakamata mipango ili mahali pa kufanyia Ukumbusho pakuwe safi sana mbele ya wakati.
Wachague musemaji mwenye kustahili, ndugu mwenye atasimamia programu, na ndugu wenye watatoa sala kwa ajili ya mukate na divai.
Kama makutaniko mengi yatafanya Ukumbusho nafasi ileile, mufanye mipango ili muheshimie wakati wa kuanza na wa kumaliza na muachie wengine nafasi na parking.
Wachague na kupanga ndugu wenye watakaribisha watu na wenye watapitisha mukate na divai.
Watayarishe mukate na divai yenye kustahili, na sahani, bilauri, meza na nguo ya meza vyenye kustahili.

Namna wahubiri wanapaswa kujitayarisha:

Wafanye mipango ili kuhubiri sana wakati wa kampanye ya kuwatolea watu mialiko ya Ukumbusho.
Waandike majina ya wanafunzi wao wa Biblia, watu wa jamaa yao, wanafunzi ao wafanyakazi wenzao na watu wengine wenye wanajuana nao ili wawaalike kwenye Ukumbusho.
Wasome na kufikiri sana juu ya maandiko ya Biblia kwa ajili ya Ukumbusho.
Wakuje kwenye Ukumbusho na wako tayari kukaribisha wageni.