Namna ya Kutumia JW Library

KWA AJILI YA KUJIFUNZA:

• Soma Biblia na andiko la siku

• Soma Kitabu cha Mwaka, magazeti, na vichapo vingine. Tumia sehemu ya kusaidia kutia alama

• Tayarisha mikutano, na utie majibu rangi ao kistari

• Angalia video mbalimbali

KWENYE MIKUTANO:

• Tafuta maandiko yenye musemaji anataja. Bonyeza alama ya saa yenye kuwa juu ili uone andiko lenye umekwisha kusoma

• Kuliko kuja na vichapo mbalimbali kwenye mikutano, tumia chombo chako cha kielektroniki ili kufuata mikutano na kuimba. Kwenye JW Library utapata nyimbo mupya zenye hazijachapishwa

KATIKA MAHUBIRI:

• Kama mutu anapendezwa umuonyeshe jambo fulani kwenye JW Library, na umusaidie kuweka programu hiyo kwenye chombo chake cha kielektroniki na umuonyeshe namna ya kuchukua vichapo

• Tumia sehemu ya kusaidia kutafuta ili upate andiko la Biblia. Unaweza kuandika neno ao musemo fulani wenye kuwa katika andiko hilo

• Onyesha video. Ikiwa musikilizaji ana watoto, unaweza kumuonyesha video fulani yenye kuwa kwenye sehemu Ukuwe Rafiki ya Yehova. Ao unaweza kumuonyesha video Sababu Gani Ujifunze Biblia? ili kumuchochea afurahie kujifunza Biblia. Ikiwa mutu anazungumuza luga ingine, umuonyeshe video fulani katika luga yake

• Somea mutu andiko fulani katika luga ingine kwa kutumia tafsiri yenye umekwisha kuchukua kwenye Internete. Fungua andiko, bonyeza mustari kisha ubonyeze alama ya katikati