Habari Njema kwa Watu Wote

Ufufuo wa Yesu uliwafanya wanafunzi wake wawe na usadikisho mwingi na bidii nyingi. Mutume Paulo hasa alisafiri katika Asia Ndogo yote na Mediterania, akiunda makutaniko na kuwatia Wakristo nguvu ili wasimame imara wakati walikazwa kufanya mambo mabaya na wakati walipata upinzani mukali. Ijapokuwa matatizo hayo, Ukristo ulisonga mbele na kuenea kila mahali.

Paulo mwenyewe alitupwa katika gereza. Lakini, hata akiwa katika gereza, aliandikia makutaniko ya Kikristo barua zenye kutia moyo na zenye kuwa na mashauri mazuri. Aliwaonya juu ya hatari kubwa zaidi, ni kusema, uasi-imani. Akiwa mwenye kuongozwa na roho ya Mungu, Paulo aliona mbele ya wakati kwamba “mbwa-mwitu wenye kukandamiza” na wenye kusema “mambo yaliyopotoka” wangeingia katikati yao na “kuwavuta wanafunzi wawafuate wao wenyewe.”​—Matendo 20:29, 30.

Mwishoni mwa miaka kati ya 1 na 100, uasi-imani huo ulikuwa umeanza. Karibu na wakati huo Yesu aliyefufuliwa alimupatia mutume Yohana Ufunuo, ishara ya mambo ya wakati unaokuja. Kama vile Yohana alivyoandika wakati huo, iwe wapinzani ao walimu wa uongo hawangeweza kumuzuia Mungu kutimiza kabisa kusudi lake la mwanzoni kwa ajili ya dunia na wanadamu. “Kila taifa na kabila na luga na watu” watasikia habari njema juu ya Ufalme wa Mungu. (Ufunuo 14:6) Paradiso itarudishwa duniani, na kila mutu anayetaka kufanya mapenzi ya Mungu ataishi katika Paradiso hiyo!

Hiyo ni “habari njema” kwako, sivyo? Ikiwa jibu lako ni ndiyo, jifunze mambo mengi zaidi juu ya ujumbe wa Mungu kwa wanadamu ulio katika Biblia na namna ujumbe huo unavyoweza kukufaidi leo na pia wakati unaokuja.

Unaweza kusoma Biblia katika luga karibu 50 kwenye adresi yetu ya Internete www.jw.org. Kwenye adresi hiyo, unaweza pia kusoma broshua Biblia​—Ina Ujumbe Gani? na Habari Njema Inayotoka kwa Mungu! na pia kitabu Biblia Inafundisha Kabisa Nini? Unaweza kusoma kwenye adresi hiyohiyo vichapo vingine vinavyozungumuzia sababu gani unaweza kuamini Biblia, na namna gani tunaweza kutumia mashauri ya Biblia yanayofaa katika familia yetu na katika maisha yetu ya kipekee. Ao ili kuelewa mengi zaidi, unaweza kumuuliza Shahidi yeyote wa Yehova.

​—Habari hii inategemea Matendo, Waefeso, Wafilipi, Wakolosai, Filemoni, 1 Yohana, Ufunuo.