கேள்விப் பெட்டி

◼ யெகோவாவின் சாட்சிகள் தன்னுடைய வீட்டிற்கு இனிமேலும் சந்திக்க வரவே வேண்டாம் என்று ஒரு வீட்டுக்காரர் வற்புறுத்தும்போது, காரியங்கள் எவ்வாறு கையாளப்படவேண்டும்?

மதசம்பந்தமான இயல்புடைய அல்லது யெகோவாவின் சாட்சிகள் என்று திட்டவட்டமாகக் குறிப்பிடுகிற சந்திப்புகளைக் கடுமையாகத் தடைசெய்கிற அறிவிப்பை நாம் வீட்டில் பார்த்தால், வீட்டுக்காரருடைய விருப்பத்தை மதித்து கதவைத் தட்டுவதைத் தவிர்ப்பது மிக நல்லது.

சிலசமயங்களில் வியாபாரிகள் அல்லது நன்கொடை வசூலிக்கிற ஆட்களைத் தடைசெய்கிற ஓர் அறிவிப்பை நாம் எதிர்ப்படுகிறோம். மதசம்பந்தமான அறப்பணியை நாம் செய்துகொண்டிருப்பதால், அது நமக்குப் பொருந்தாது. தயக்கமின்றி கதவைத் தட்டுவது பொருத்தமானது. வீட்டுக்காரர் ஆட்சேபணைத் தெரிவித்தால், இப்படிப்பட்ட அறிவிப்புகள் நம்முடைய விஷயத்தில் பொருந்தாது என்று ஏன் நாம் உணருகிறோம் என்பதை நாம் சாமர்த்தியமாக விளக்கிக்கூறலாம். அந்தத் தடையானது யெகோவாவின் சாட்சிகளையும் உட்படுத்துகிறது என்று வீட்டுக்காரர் அப்பொழுது அதைத் தெளிவுபடுத்துவாராகில், நாம் அவருடைய விருப்பங்களை மதிப்போம்.

சில சந்தர்ப்பங்களில் நாம் அவருடைய வீட்டைச் சந்திக்கும்போது, வீட்டுக்காரர் வெளிப்படையாக நிலைகுலைந்துபோய், நாம் மீண்டும் சந்திக்கக்கூடாது என்று உறுதியாக வற்புறுத்தலாம். இந்த வேண்டுகோளுக்கு நாம் இணங்கி நடக்கவேண்டும். வருங்காலத்தில் அந்தப் பிராந்தியத்தில் ஊழியம்செய்யும் பிரஸ்தாபிகள் அந்த வீட்டைச் சந்திப்பதைத் தவிர்க்கும் பொருட்டாக, பிராந்திய உறையில் (Territory Envelope) தேதியிடப்பட்ட ஒரு குறிப்பை எழுதி வைக்கவேண்டும்.

என்றபோதிலும், அந்த வீட்டை காலவரையறையின்றி தவிர்க்கக்கூடாது என்பதை நாம் மனதில் வைக்கவேண்டும். தற்போது குடியிருப்பவர் காலிசெய்யலாம். சாதகமாகப் பிரதிபலிக்கிற மற்றொரு குடும்ப அங்கத்தினரை நாம் சந்திக்கலாம். நாம் பேசிய அந்த வீட்டுக்காரர் மனமாற்றமடைந்து நாம் சந்திப்பதற்கு அதிக இணக்கமுள்ளவராகும் வாய்ப்பிருக்கிறது. ஆகவே, சிறிதுகாலம் சென்ற பிறகு, அவருடைய தற்போதைய உணர்ச்சிகளைத் தீர்மானிப்பதற்கு அந்தக் குடியிருப்பவரை சாதுரியமாக விசாரிக்கலாம்.

பிராந்தியத்திற்கான கோப்பு வருடத்திற்கு ஒருமுறை மறுபார்வைசெய்யப்பட்டு, நாம் சந்திக்கக்கூடாது என்று ஆலோசனைகூறப்பட்டிருக்கிற வீடுகளின் பட்டியல் தயாரிக்கப்படவேண்டும். ஊழியக் கண்காணியின் வழிநடத்துதலின்கீழ், இவற்றை சந்திப்பதற்கு சில சாதுரியமான, அனுபவம்வாய்ந்த பிரஸ்தாபிகள் நியமிக்கப்படலாம். அதே வீட்டுக்காரர் இன்னும் அங்கு வசிக்கிறாரா என்பதை விசாரிக்க நாங்கள் சந்திக்கிறோம் என்று விளக்கலாம். நியாயங்காட்டிப் பேசுதல் புத்தகம், பக்கங்கள் 15-24-ல் உள்ள “உரையாடலை நிறுத்தும் பதிற்சொற்களுக்கு நீங்கள் எவ்வாறு மறுமொழியளிக்கலாம்” என்று தலைப்பிடப்பட்ட தகவலை பிரஸ்தாபி அறிந்தவராக இருக்கவேண்டும். நியாயமான பிரதிபலிப்பு இருக்குமானால், வருங்காலத்தில் வழக்கமான முறையில் சந்திப்புகள் செய்யலாம். வீட்டுக்காரர் தொடர்ந்து எதிர்ப்பு தெரிவிப்பவராக இருந்தால், தொடர்ந்துவருகிற ஆண்டுவரையாக மேலுமான எந்தச் சந்திப்புகளும் செய்யப்படக்கூடாது. ஒரு குறிப்பிட்ட விஷயத்தில் சூழ்நிலைமைகள் உசிதமானதாய் இருந்தால், காரியங்களை வித்தியாசமாகக் கையாளுவதற்கு உள்ளூர் மூப்பர் குழு தீர்மானிக்கலாம்.