யெகோவாவைப் புகழ்வேன்

1. பாடுவேன்! நம் யெகோவாவை

போற்றியே எங்கும் பாடுவேன்!

சொல்லுவேன்! தேவனின் நாள்தான்

வேகமாக வருகின்றதே.

தேவன் குறித்த காலம் இதுதான்!

ஏசுவும் மன்னராய் ஆனார்!

ஏங்கும் மனதில் நீங்கும் துயரே-

அந்த ஆட்சியை சொல்வேனே!

2. பூமியில் பூங்குயில்கள் போல்,

தேவனை வாழ்த்தி பாடுவேன்.

நெஞ்சினில் அச்சமில்லாமல்,

சொல்லுவேன் நம் தேவன் பேரையே!

சர்வ வல்லவர் என்றபோதிலும்,

தாழ்மையின் சிகரம் தானே!

கண்கள் கலங்கி உள்ளம் பேசிடும்

வார்த்தையும் கேட்கிறார் தானே!