Ãũrima taenegümaã taãmücügü rü torü mecaꞌ niĩ!

1-2. (a) Taꞌacü Yeuwacaꞌ narümemaẽ niĩ? (b) Taꞌacü Yeuwa tüü̃́ nanawaꞌe na naügüü̃?

YEUWACAꞌ narümemaẽ niĩ na nhuãcü togüemaã meã iĩgüü̃. Ngetchutchu tüü̃ nanguꞌẽẽ na tanawaꞌegü togüeü̃ ingetchaü̃gü ngẽma yigütama ingetchaü̃ü̃rüü̃. (Mat. 22:37-39) Rü tümamaã imecümaü̃ ta ya yíema i tama Yeuwaü̃ puracüe. Ngẽguma ngẽmaãcü naügügu, nagu taĩ i Tupanacüma “erü nüma rü inanabáixẽxẽ ya üa̱xcü naxca̱x i mexü̃ i duü̃xü̃gü rü chixexü̃ i duü̃xü̃gü. Rü nanapuxẽxẽ naxca̱x i duü̃xü̃gü i mea maxẽxü̃ rü duü̃xü̃gü i chixri maxẽxü̃”. — Mat. 5:45.

² Woo Yeuwa guãmaü̃ nangetchaü̃, nüma rü yeera tüü̃ nangetchaü̃ ya yíema meü̃ ügüe. (Juã́ũ 14:21) Nüma rü nanawaꞌe na yiemagü nüü̃ irüdauü̃güü̃. Rü ngẽmacaꞌ, nüma rü tüü̃ naucuꞌẽ na ’aicuma nüü̃ ingetchaü̃güü̃ i taenegü rü taeyagü. Ngẽguma nagu rüĩnüẽgu na togüeü̃ ingetchaü̃güü̃, rü nüna tacuaꞌãtchie na name nüü̃ ingetchaü̃gü nhama i yigüeneü̃tchi rüeꞌna tamücüütchi ingetchaü̃rüü̃. — 1 Pe. 4:8; Rom. 12:10.

3. Taꞌacü tanawaꞌegü nüna tacuaꞌãtchie na nüü̃ na ingetchaü̃tchiga?

³ Tanawaꞌegü nüna tadaugü i putüra na nabácaü̃caꞌ, ngẽgumarüü̃ tanawaꞌegü torü ngetchaü̃na tadaugü na yeeraãcü taenegüü̃ ingetchaü̃güü̃caꞌ. Orearü uruü̃ ga Pauru rü yaõgüü̃ naucuꞌẽ i nhaü̃: “Rü ñu̱xma rü name nax guxü̃guma pegü pengechaü̃güxü̃ ñoma peenexẽxü̃ pengechaü̃xü̃rüxü̃.” (Ebr. 13:1) Yeuwa nanawaꞌe na yeeratchigü taenegüü̃ ingetchaü̃güü̃. Nhaa nguꞌwa, nüü̃ tadaugü tá na tüꞌcüü̃ tanawaꞌegü yeera taenegümaã taãmücügü rü nhuãcü tá ngẽma iügüü̃ama.

TÜꞌCÜÜ̃ NAME TAENEGÜNA TANGAICAMAGÜ?

4. Ngẽgumarüü̃ Salmo 133:1wa nüü̃ niurüü̃, taꞌacü tá iügüü̃ na yeeraãcü namaã itaãẽgüü̃caꞌ i taenegüü̃tawa ingẽmagu? (Nüü̃ nadau ta i natchicünaꞌãgü.)

⁴ Nawa naugütae Salmo 133:1. Torü ĩnü rü namaã nawüigu i wiyaecüarü ĩnü, nüma rü nüü̃ niu na “poraãcü namexẽchi” ngẽguma namaã taãmücügügu i Yeuwaarü duü̃ü̃gü. Notürü name nacaꞌ taũãẽ. Nhaü̃gu rüĩnü: Wüi duü̃ü̃ guü̃ i nguneü̃gu naü̃tawa naüpetütchigü wüi naĩ i mecüraü̃. Notürü, nguneü̃gü i ngupetütchigüü̃, rü nüü̃ nadau i ngẽma naĩ rü tama marü nacaꞌ namecüraü̃ norirüü̃. Ngẽgumarüü̃, yiãgü mueꞌpüꞌcüna taenegüü̃tawa tangẽma wüitchigü i nguneü̃gu. Rü ngẽmacaꞌ, bemana tama namaã tataãẽgücüraü̃ i taenegü rü taeyagü. Taꞌacü tá iügüü̃ na ngẽma tama tamaã nangupetüü̃caꞌ? Yeeraãcü nüü̃ tangetchaü̃gü i taenegü rü taeyagü ngẽguma inaüütchigügu i nguneü̃ na nagu rüĩnüẽü̃caꞌ na nhuãcü wüitchigü i nümagü rü tacaꞌ rü yaõgüü̃tücumücaꞌ nameẽtchi niĩ.

5. Taꞌacü bemana nangupetüü̃ ngẽguma duü̃ü̃gü nüü̃ nadaugügu na nhuãcü yigü ingetchaü̃gü?

⁵ Ngẽguma nümaü̃gü nüíraeꞌpüꞌcüna torü ngutaqueꞌegüwa naĩgu rü namaã nabaiꞌãtchi na nhuãcü yigü ingetchaü̃gü. Rü bemana nümagü rü nüü̃ nicuaꞌãtchitanü na yaõgüü̃ i aicumaü̃ iĩgüü̃. Ngetchutchu nhanagürü: “Rü ngẽxguma wüxichigü pemücügüxü̃ pengechaü̃gu, rü guxü̃ma i duü̃xü̃gü tá nüxü̃ nicua̱xãchitanü nax chorü ngúexü̃gü pixĩgüxü̃ —ñanagürü.” (Juã́ũ 13:35) Nüü̃ nadau i taꞌacü wüie paemaã ngupetüü̃ i Chaitra iĩẽ. Tüma rü Yeuwaarü duü̃ü̃gümaã Tupanaarü Orecaꞌ tanguꞌ rü tanayau na torü ngutaqueꞌe ãũwa taũü̃caꞌ. Nüíra ngutaqueꞌe ãũarü nguneü̃wena, tüma rü taeyaü̃ nhatarügü: “Tchaunatügü taguma tchona napaãtchigü. Notürü perü ngutaqueꞌe ãũwa, pema rü 52 eꞌpüꞌcüna rü tchona pepaãtchigü! Nüü̃ tchicuaꞌãtchi na Yeuwa norü duü̃ü̃güwa tchoü̃ nangetchaü̃. Tchanawaꞌe Yeuwatanüü̃ tchiĩ.” Chaitra tayatchigü i tümaarü õwa rü ítabaie i 2024gu. Ngẽma rü nanaweꞌ na mueꞌpüꞌcüna ngẽguma duü̃ü̃gü i yeera nüü̃ cuaꞌgütchaü̃ nüü̃ nadaugügu i ngẽma meü̃ i taüü̃ rü nhuãcü yigü tangetchaü̃gü, nümagü rü tá Yeuwaü̃ napuracüetchaü̃. — Mat. 5:16.

6. Tüꞌcüü̃ poraãcü taenegüna rü taeyagüna tangaicamagü rü tüü̃ ínapoü̃gü?

⁶ Rü poraãcü taenegüna rü taeyagüna tangaicamagü rü tüü̃ ínapoü̃gü. Pauru rü yaõgüü̃ naucuꞌẽ i nhaü̃: “Name nixĩ nax wüxichigü pegüaxü̃́ penangúchaü̃xẽẽxü̃ i guxü̃ i ngunexü̃gu nax taxúema i petanüwa Tupanaxü̃ taxoxü̃ca̱x nagagu i ngẽma pecadu i pexü̃ womüxẽẽchaü̃xü̃.” (Ebr. 3:13) Ngẽguma poraãcü tarümaãtchigügu rü itanaügü Yeuwana iĩgatchiü̃, Yeuwa nüü̃ nanangútchaü̃ẽẽ i wüi taene i nüü̃ nicuaꞌãtchiü̃ i ngẽma na tüü̃ narüngü̃ẽẽgüü̃caꞌ i taꞌacü tanawaꞌegüü̃wa. (Sal. 73:2, 17, 23) Aicuma niĩ na ngẽma ngü̃ẽẽ rü torü mecaꞌ niĩ.

7. Nhuãcü ngetchaü̃ tüü̃ narüngü̃ẽẽ na meã wüigu imaẽü̃caꞌ? (Corochacü̃ãꞌ 3:13, 14)

⁷ Yiemagü i Yeuwaarü duü̃ü̃gü iĩgüü̃ rü yigü taporaẽẽgü na yigü ingetchaü̃güü̃caꞌ, rü ngẽmacaꞌ muü̃tchi meü̃wa tüü̃ nagagü. (1 Juã́ũ 4:11) Cuaꞌãtchiruü̃, ngẽma ngetchaü̃ tüü̃ narüngü̃ẽẽ na ‘yigümaã yána taĩnüẽü̃caꞌ’, rü ngẽma rü tüü̃ nanatautchaẽẽ na wüigu meã tamaẽü̃ca. (Nawa naugütae Corochacü̃ãꞌ 3:13, 14; Epé. 4:2-6) Ngẽmaãcü, natauma i to natchica i torü ngutaqueꞌegümaã nawüigu i naãnearü tawa erü yigü tangetchaü̃gü rü itameãẽgümare.

MEÃ YIGÜMAÃ TIĨGÜ

8. Nhuãcü Yeuwa tüü̃ narüngü̃ẽẽ na meã wüigu imaẽü̃caꞌ?

⁸ Naãnearü tawa, meã taenegümaã wüigu tamaẽ nagagu i Yeuwaarü ngü̃ẽẽ erü guãma i yiemagü rü tipecaduãgüü̃. (1 Cor. 12:25) Tupanaarü Ore nüü̃ niu na “Tupanatama nixĩ ga marü pexü̃ ngúexẽẽcü nax pegü pengechaü̃güxü̃”. (1 Te. 4:9) Ngẽma rü nüü̃ niutchaü̃, na Norü Orewa, Yeuwa rü nüü̃ niutchiga taꞌacü tá tanawaꞌegü nanaügüü̃ na yeeraãcü yigümaã iãmücügüü̃caꞌ. Notürü na Yeuwa tüü̃ nangúeẽẽü̃caꞌ, tanawaꞌegü meã Norü Orecaꞌ tangúe rü Norü Ore nawaꞌeãcüma tamaẽ. (Ebr. 4:12; Tia. 1:25) Rü Yeuwaarü Orearü Uruü̃gü nügü naporaẽẽ na ngẽmaãcü naügüü̃caꞌ.

9. Taꞌacütchiga niĩ meã togüemaã tiĩgü? (Romacü̃ãꞌ 12:9-13)

⁹ Nhuãcü Tupanaarü Ore tüü̃ nanguꞌẽẽ na yeeraãcü yigümaã iãmücügüü̃caꞌ? Nüü̃ nadau i taꞌacü Pauru nüü̃ niu i ngẽmatchiga i Romacü̃ãꞌ 12:9-13wa. (Nawa naugütae.) Pauru nüü̃ niu na inawaꞌegü torü ngútchaü̃maã meã yigümaã tiĩgü. Taꞌacütchiga niĩ i ngẽma? Tanawaꞌegü torü ngútchaü̃maã nacaꞌ tadaugü na taenegüü̃ ingetchaü̃gü, cuaꞌãtchiruü̃ nüü̃ nüü̃ tangetchaü̃gü, meã nüü̃ tayaugü i tapatawa rü namaã tangau i torü ngẽmaü̃gü. (Efé. 4:32) Tama name na icuyanguẽẽ na cuü̃tawa naũü̃ i taene, notürü name curü ngútchaü̃maã naü̃tawa cuü̃ na ãũrima namaã cuãmücüü̃caꞌ. Ngetchutchu ngẽmatchigaü̃ niu i nhaü̃: “Rü narümemae nixĩ i pema nax toguxena penaxãxü̃ rü tama i tüma pexna nax tanaxãxü̃.” — Pur. 20:35.

10. Nhuãcü tá meã togüemaã tiĩgü i tama ioeãcü? (Nüü̃ nadau ta i natchicünaꞌãgü.)

¹⁰ Nawena na Pauru nüü̃ niu tanawaꞌegü torü ngútchaü̃maã meã yigümaã tiĩgü, nüma rü nhanagürü: “Rü tama name i pexo. Natürü name nixĩ i perü ngúchaü̃maxã penaxü i Cori ya Tupanaarü puracü.” Wüi duü̃ü̃ i meã puracüü̃ rü nügü naporaẽẽ na nayanguü̃ẽẽü̃caꞌ i norü puracü. Provérbios 3:27, 28wa tüü̃ naucuꞌẽ i nhaü̃: “Ngẽxguma texé curü ngü̃xẽẽca̱x ícaxgu, rü tama name i tüxna cunachu̱xu ega cuxü̃́ nangẽxmagu i ngẽma naxca̱x ítaca̱xaxü̃.” Ngẽmaãcü, ngẽguma nüü̃ ticuaꞌãtchitanügu na wüi duü̃ü̃ nanawaꞌe i ngü̃ẽẽ rü paa nüü̃ tarüngü̃ẽẽ. Tama name yicüra nüü̃ tarüngü̃ẽẽ rü bai nagu rüĩnüẽ na togüemare nüü̃ rüngü̃ẽẽü̃. — 1 Juã́ũ 3:17, 18.

11. Taꞌacü i to nacümawa meã togüemaã tiĩgü?

¹¹ To i nacümawa na meã taenegümaã iĩgüü̃caꞌ rü ngẽma niĩ na paa nüü̃ nüü̃ tangetchaü̃gü i ngẽguma taꞌacürü i tchieü̃ rü tamaã naügu. Epéchiucü̃ãꞌ 4:26wa nhanagürü: “Rü name i ngẽmatama ngunexü̃gu perüngüxmü naxü̃pa nax yanaxücuxü̃ ya üa̱xcü.” Tüꞌcüü̃ nameü̃ i ngẽma? Erü wetchicuru 27wa nüü̃ niu na ngẽguma ngẽma iügügu rü ‘tama tanaütchica i Tchataná’. Rü Norü Orewa, Yeuwa mueꞌpüꞌcüna tüü̃ nanangútchaü̃ẽẽ na yigüü̃ nüü̃ ingetchaü̃güü̃caꞌ. Corochacü̃ãꞌ 3:13wa natchiga nidea ta na tanawaꞌegü torü ngútchaü̃maã yigüãü̃ nüü̃ tangetchaü̃gü. Nüü̃ itarüngüma i togüearü gutchinügü rü wüi meü̃ i nacüma na yeeraãcü namaã iãmücügüü̃caꞌ. Ngẽguma ngẽma iügügu, nüü̃ tarüngü̃ẽẽ na ‘wüxigu tarüxĩnüeü̃caꞌ rü ñoma wüxitama i duü̃xü̃rüxü̃ ixĩgüü̃ ngẽma Tupanaãxẽ ya Üünecü naxwa̱xexü̃rüxü̃’. (Epé. 4:3) Aicumaü̃tchi niĩ na ngẽguma togüeü̃ nüü̃ ingetchaü̃gügu ngẽma rü nüü̃ narüngü̃ẽẽ na Yeuwaarü duü̃ü̃gü meã wüigu namaẽü̃caꞌ.

12. Nhuãcü Yeuwa tüü̃ narüngü̃ẽẽ na togüeü̃ nüü̃ ingetchaü̃güü̃caꞌ?

¹² Aicuma niĩ nagutchaü̃ na togüeü̃ nüü̃ ingetchaü̃ ngẽguma tüü̃ rümaãtchiẽẽgu. Notürü Tupanaãẽ i üüneü̃ tüü̃ narüngü̃ẽẽ na ngẽma naügüü̃caꞌ. Nawena na Tupanaarü Ore nüü̃ niuü̃ na tanawaꞌegü ‘yigü ingetchaü̃gü nhama yigüeneü̃tchiü̃ ingetchaü̃ü̃rüü̃’ rü ‘tama name i taoe’, rü ngéma tüü̃ naucuꞌẽ i nhaü̃: “Name nixĩ i perü ngúchaü̃maxã penaxü i Cori ya Tupanaarü puracü.” Ngẽma nüü̃ niutchaü̃ na naãẽ i üüneü̃ rü tüü̃ narüngü̃ẽẽtchaü̃ na meã ipuracüeü̃caꞌ rü taãẽãcü naügüü̃caꞌ. (Rom. 12:11) Ngẽma rü nüü̃ niutchaü̃ ta, na Tupanaãẽ i üüneü̃ rü tüü̃ narüngü̃ẽẽtchaü̃ na taenegüü̃ ingetchaü̃güü̃ rü aicuma torü maü̃nemaã nüü̃ nüü̃ ingetchaü̃güü̃. Ngẽmaãcü, tanawaꞌegü Yeuwaü̃ tacaꞌaü̃gü i norü ngü̃ẽẽcaꞌ na ngẽma iügüü̃caꞌ. — Luca 11:13.

“RÜ TAMA NAME I PEGÜ PITOYEX”

13. Taꞌacü bemana nügüna nüü̃ natoyeẽẽ i yaõgüü̃tücumüwa?

¹³ Yeuwaarü duü̃ü̃gütanüwa nüü̃ itayangaugü naguü̃raü̃ü̃ i duü̃ü̃gücümagü. (1 Tim. 2:3, 4) Rü ngẽmagagu, wüietchigü i yiemagü toraü̃ãcü nüü̃ tauneta nhuãcü iãtchirugüü̃ rü nhuãcü yigü imeẽẽgüü̃ rü nhuãcü torü maü̃na idaugütchigüü̃ rü taꞌacümaã i ĩãwaꞌegüü̃wa. Tchi tama nacaꞌ iũãẽgügu ngẽma rü yigüna tüü̃ nitoyeẽẽ. (Rom. 14:4; 1 Cor. 1:10) Notürü Yeuwa nüü̃ nanguꞌẽẽ na duü̃ü̃gü i ngetchaü̃güwaꞌeü̃ yiĩ rü tama nagu narüĩnüẽ na norü ĩnü rü togüearü ĩnüarü yeera yiĩ i natchigagüwa. — Pir. 2:3.

14. Taꞌacü tá name guü̃guma iügüü̃ rü tüꞌcüü̃?

¹⁴ Yiemagü ta nüü̃ tarüngü̃ẽẽgü na meã wüigu imaẽü̃caꞌ ngẽguma yigü iporaẽẽgu na guü̃guma taenegüü̃ iporaẽẽü̃ rü nüü̃ itaãẽgüẽẽü̃. (1 Te. 5:11) Nhamaãcüü, muẽma ya duẽẽgü Yeuwana ĩgatchie rüeꞌna imuü̃tchigüe rü wenaarü yaõgüü̃tücumügücaꞌ woegue rü taãẽãcü tanayaugü. (2 Cor. 2:8) Nüü̃ nadau i taꞌacü nüü̃ tiuü̃ i wüie ya taeya ya 10 taunecü Yeuwana iũgatchie rü wenaarü taegue nacaꞌ i yaõgüü̃tücumü rü nhatarügü: “Guü̃ma i taenegü rü tchoü̃ narümõegü rü tchamaã nacuetchagü.” (Pur. 3:19) Nhuãtagüü̃ i yíema taeya nawena na meã tüü̃ nayaugüü̃? Tüma rü nhatarügü: “Nhama tchi Yeuwa wenaarü nama i taãẽwa tchoü̃ nagaü̃rüü̃ niĩ.” Ngẽguma yigü iporaẽẽgügu na guü̃guma togüeü̃ iporaẽẽgüü̃, Ngetchutchu tawa tüü̃ nataãẽẽẽ ya yíema ‘ipaee nagagu i gutchaü̃gü rü ĩꞌãtchiãẽgü’. — Mat. 11:28, 29.

15. Taꞌacü ta tüü̃ narüngü̃ẽẽ na meã taenegümaã wüigu imaẽü̃caꞌ? (Nüü̃ nadau ta i natchicünaꞌãgü.)

¹⁵ Taꞌacü nüü̃ iugüü̃wa ta tüü̃ narüngü̃ẽẽ na meã taenegümaã wüigu imaẽü̃caꞌ. Jó 12:11wa nhanagürü: “Rü ngẽma taxmachixemaxã nüxü̃ tacua̱x i ngẽma nagagü i nüxü̃ ixĩnüxü̃. Rü ngẽxgumarüxü̃ ta tórü conümaxã nüxü̃ tacuáx i naaca i ngẽma ingṍxü̃”. Naü̃pa na wüi poratügu inafiitchiü̃, wüi meü̃ üwemüruü̃ nüü̃ naweꞌneta ngoi naãca i ngẽma õna. Ngẽgumarüü̃tama niĩ, naü̃pa na ideagügu name meã nagu tarüĩnüẽ. (Sal. 141:3) Tanawaꞌegü aicuma nüü̃ tacuaꞌgü ngoi torü deagüwa nüü̃ itaãẽgüẽẽü̃ rü nüü̃ ipoporaẽẽgüü̃ i ngẽma duü̃ü̃gü i tüü̃ rüĩnüẽü̃. — Epé. 4:29.

16. Teégü tiĩ aicuma nacaꞌ iũãẽgüe i tümaarü deagüwa?

¹⁶ Rü nhuꞌmatchi ãmaꞌgüü̃wa ta, papagü rü mamagü nanawaꞌe nacaꞌ naũãẽgü na nhuãcü nideagüü̃. Nümagü nanawaꞌe wüi nacümaãcü nideagüü̃ na ngẽmaãcü natanüü̃ü̃ naporaẽẽü̃caꞌ. (Co. 3:19, 21; Titu 2:4) Rü õgütanüü̃arü dauruü̃gü nanawaꞌe na Yeuwaarü duü̃ü̃güna nadaugüü̃ rü nanataãẽgüẽẽü̃ rü nhama carnérugüna nadaugürüü̃. (Isa. 32:1, 2; Gár. 6:1) Tanawaꞌegü guü̃guma nüna tacuaꞌãtchie i taꞌacü Provérbios 15:23wa nüü̃ niu i nhaü̃: “Narümemae nixĩ nax ngẽma ora i nagu natauxchaxü̃gu cuyoxniexü̃ nax tüxü̃ cungãxü̃xü̃”!

TAꞌACÜ I CUÜÜ̃MAÃ AICUMA NÜÜ̃ NANGETCHAÜ̃

17. Nhuãcü taenegüü̃ rü taeyagüü̃ tangetchaü̃gü i guü̃ma i torü maü̃nemaã?

¹⁷ Orearü uruü̃ ga Juã́ũ tüü̃ nanangútchaü̃ẽẽ na “tama name i taa̱xmaxã rü tórü oremaxãxicatama nüxü̃ tangechaü̃ i taenexẽ. Natürü tanaxwa̱xe i tórü maxü̃maxã rü tórü ü i mexü̃maxã nüxü̃ tangechaü̃”. (1 Juã́ũ 3:18) Tanawaꞌegü taenegüü̃ rü taeyagüü̃ tangetchaü̃gü i guü̃ma i torü maü̃nemaã. Nhuãcü ngẽma iügüü̃? Ngẽguma guü̃guma naü̃tawa ingẽmagügu i taenegü rü yeeraãcü namaã taãmücügü rü yigü tangetchaü̃gü. Ngẽmaãcü, inaüütchi i nguneü̃ na namaã cungẽmaü̃caꞌ i taenegü rü taeyagü, cuaꞌãtchiruü̃ ngutaqueꞌegüwa rü Yeuwaarü puracüwa. Rü ta inaüütchi i nguneü̃ na nüü̃ iquiadau. Ngẽguma ngẽma iügügu, ngẽmawa meãma aicuma nangó ‘Tupanatama niĩ i tüü̃ ngúeẽẽcü na yigü tangechaü̃güü̃’. (1 Te. 4:9) Rü nhuꞌmatchi, yeeraãcü nüü̃ tadaugü na nhuãcü “poraãcü namexẽchi i ngẽxguma ngẽma Tupanaarü duü̃xü̃gü rü aixcüma wüxigu nügü nangechaü̃gügu”! — Sal. 133:1.